بعد عرضه بموسم الرياض.. إيلي صعب يعود إلى منصة مشاهير هوليوود (صور)
«لماذا لم تتزوج حتى الآن؟» سؤال يثير الجدل على فيسبوك.. والإجابات صادمة
الجمعة 29/أبريل/2022 - 11:10 م
ساندي جرجس
كشف سؤال نشره أحد رواد مواقع التواصل الاجتماعي، عن أسباب عزوف الشباب والبنات عن الزواج في الفترة الأخيرة؛ حيث كتب في منشور: «لماذا لم تتزوج حتى الآن وأنت تعلم أن الزواج نصف الدين؟!».
وكانت التعليقات تدل على اختلاف الأسباب بين النساء والشباب، فالبعض من الشباب عبر عن رفضه للزواج بسبب التكاليف الباهظة، والفتيات عبرت عن خوفها من الخذلان والطلاق.
النصيب والخذلان
علقت شاهندا على المنشور قائلة: «لسه نصيب ربنا ما جاش والجواز رزق زي أي رزق، والرزق ده بيد ربنا سبحانه وتعالى يرزق من يشاء في الوقت اللي ربنا سبحانه وتعالى يشاء فيه».
بينما قال عبد الرحمن: «صدمه تلو الأخرى وخذلان وقلة أصول ومفيش إخلاص ووفاء وجشع وطباع وحشة وخيانة واللي مش عاوزه تعيش وخداع والمشاكل».
وعلق عمرو: «لأن لم يشأ الله بعد أن أجد من كتبها نصيباً لي، من تستحق قلبي وعطائي، من تستحق أن يتم ترقيتها من بنت إلى زوجه تدخل الجنة إذا كان زوجها راضيًا عنها واللي فيما بعد بإذن الله إلى أم تحت قدميها الجنة».
اقرأ أيضًا..
تكاليف الزواج المرتفعة
قال أحمد في تعليق آخر: «لان الزواج اصبح مكلفًا جدًّا جدًّا وعبئًا على الراجل، الطلبات بقى فيها مغالاة مرعبة جدًّا جدًّا مفيش تيسير في الزواج من أهل البنت خالص كله عايز شبكه بـ١٠٠ ألف و٢٠٠ ألف وأرقام غريبة جدًّا وقايمة بمبالغ خرافية ومؤخرًا بمبلغ أكبر وأكبر، بالتالي الزواج أصبح شيئًا مستحيلًا، علاوة على ده الأهل للأسف بيبقوا سبب كبير في الطرفين في إنهاء العلاقه والتأثير بالسلب على الزواج والوصول للطلاق أو الفسخ، محدش بينصح بالخير دلوقتي في الطرفين، كله بيبص لمصلحة ابنه أو بنته وطز في أي حاجة ربنا يهدي الناس».
الخوف من القتل
علقت صباح على المنشور: «لأن الناس نسيت الدين كل شوية واحد قاتل مراته، طب بالله نآمن على نفسنا إزاي؟ بس كدا تمام وزي الفل لا نقتل ولا نتقتل».
اقرأ أيضًا..
اختيارات خاطئة
علقت مريم: «شوفت جوازات كتير باظت ف بدايتها اختلافًا على الحاجات اللي هتتجاب، وشوفت ناس اتجوزوا واطلقوا، إما زهق وإما اختيار غلط وإما خيانه لأتفه أسباب وناس متجوزة وعايشين عيشة كلها غم وخناقات، حاولت أدور على سبب لكل الحاجات دي ملاقتش غير مفيش تفاهم مفيش اقتناع مفيش حب».
وأضافت: «أنا مأخرة نفسي لحد ما ألاقي اقتناع وتفاهم وحب في شخصية، ومش بقصد بكلامي الكمال خالص مفيش حد كامل بس بدور على عقلية تفهم وقلب بيحس ويفهم، الحياة بقيت صعبة دلوقتي فعايزة ناس صابرة وناس فاهمة وناس بتحبك علشان تستحمل، وتكون بتحبه علشان تستحمل إنت كمان، إنما فكرة اتجوز والسلام في كتير والله بس مش هتدوم».
