تناول الداعية الإسلامي مصطفى حسني، خلال الحلقة السابعة والعشرين من برنامج القناع، الذي يذاع خلال شهر رمضان المبارك، الحديث عن صاحب قناع اللوام، والذي من المعروف عنه أنه يهول المواقف التي تحدث في حقه، ويعطيها عناوين كبيرة: "يعني لو مرة واحد اتأخر عليه يبقى انت مش بتحترمني".

وقال الداعية مصصطفى حسني: "إن من أصعب أفعال اللي لابس قناع اللوام هو طول الجدال، لما اللوم يطول أوي، لما ألوم وبعدين انت تعتذر، وأفضل دايس عليك، والحاجة التانية اللي بيعملها اللي لابس قناع اللوام، إنه بيهون من أعذار اللي قدامه، التهوين والتقليل من أعذار اللي قدامه، حيث يستخدم اللوم كتكتيك، وكأنه جاهز دايمًا بالعتاب والتبكيت لجني الاحترام وجني التقدير".

وتابع: "اللي لابس قناع اللوام عنده احتياج التقدير، وجني الاحترام من اللي قدامه وحماية نفسه من إن حد يظلمه، وعنده شخصية تراكمت، إنه لو مطالبش بحقه باستمرار محدش هيديله حقه، ولو مفرضش على الناس وفكرهم بحقه الناس هتنساه".

وأوضح: "من الخسائر اللي بيعيشها اللي لابس قناع اللوام، كثرة الكذب حوله، الشخص اللي بيلوم كتير لو اللي قدامه ضعف شوية يكدب عليه، ضعف ليه؟ لإن القوي مابيكدبش، القوي بيواجه الشخص كثير اللوم، بيخلي اللي قدامه يفقد التعاطف معاه"، مضيفا: "خسارة كبيرة بيعيشها اللي لابس قناع اللوام، إن كل يوم بيزداد عنده إحساس الضحية، محدش بياخد باله مني".

وأكمل: "انتزع قناع اللوام، اللي بتدور بيه على الاهتمام والتقدير والحب، وعيش بالشخصية الصادقة عشان يبقى عندك سماحة، موضحا: "مش هتعرف تعيش بالشخصية السمحة إلا لما تستدعي اسم الله العفو، استدعي بإيمانك بإنك نفسك إن ربنا يعفو عنك.. وإنك عارف إن ربنا مش بس عفو ده بيحب العفو، يحب إنه يعفو عنا سبحانه وتعالى، ويحب إننا نعفو عن بعض".