كلام ستات

«خناقة العيد بسبب أخت جوزي» امرأة تشكو على "الفيسبوك" والمتابعات: «إنتي صح دي عمتو الحرباية»

الخميس 28/أبريل/2022 - 04:01 م

ساندي جرجس

كتبت امرأة مشكلتها على موقع التواصل الاجتماعي "فيسبوك" تشكو من أخت زوجها التي تسببت لها في مشكلة مع اقتراب العيد والوقت الذي من المفترض أن تكون سعيدة به؛ وذلك بسبب ضربها لابنها كما تأخذ آراء المتابعات الأخريات على الجروب النسائي فيما فعلت وهل هو صحيح أم لا.

وكتبت المرأة: «اتخانقت خناقه العيد بسبب أخت جوزي كنا عازمين ناس كتيرة النهارده إحنا بيت عيلة ومن ضمن الموجود كانت أخت جوزي.. في أذان المغرب ابني وابنها 5 سنين اد بعض اتخانقوا خرجت من المطبخ قبلي مسكت ابني ضربته وزقته على الحيطة ومسكته لابنها وخلت ابنها ضربه بالقلم على وشه وقالت لابنها زي ما ضربك.. منظر ابني وهو في الأرض قطع قلبي وحسيته مكسور أخدته من إيده وقولتله إنت كمان اضربه وروحت أزعقلها فضلت تزعقلي وضربت ابني قدامي تاني».

وكانت التعليقات كالآتي:

قالت سمر: «خذي ابنك وماتروحيش عند حماتك ولا عزومات وخليك بحالك وابنك لو نزلتي ماينزلش ويا دار ما دخلك شر».

اقرأ أيضًا..

«أخذت أوراق الملكية لأخي وقت وفاته ومراته اتخانقت معايا لما عرفت».. والتعليقات: «أنتِ تستحقي السجن»

وعلقت سالي: «لا طبعا محدش يمد إيده أبدًا على عيالك ولا كبير ولا صغير قطع إيديها هما عيال مع بعض شوية وهيتصالحوا ويكملوا لعب».

ونصحتها سلمى قائلة: «طيب جوزك كويس أهو وواقف في ضهرك وفي صفك وخلاص انتي زعقتي وعملتي اللي انتي عايزاه كبري دماغك بقا وخليكي ف حالك وخلاص».

وعلقت مريم: «عمتو ست ناقصة وستو ست ناقصة وانتي صح».

هم أطفال مع بعض

وقالت سارة: «تدخل الكبير في مشاكل الأطفال ده بجد حاجة صعب جدااا هما أطفال حيتخانقوا وحيصالحو ويلعبوا تاني لكن تدخل الكبير ده هو اللي بيعمل المشكلة وليه تهين عيل بالمنظر ده، أنا بشوف والله إن دي قلة عقل من الكبير وعبط وانتي طبيعي لما حتلاقي ابنك بيتهان مش حتسكتي لأنك انتي مصدر أمانه وحمايته، وخصوصا أن باباه مسافر، وطالما الأب قالك اتصرفي خلاص وانتي رديتي كويس اللي تعمليه بقي إنك تقصري على نفسك انزلي لحماتك لقيتيها جت خدي بعضك واطلعي شقتك منعا للمشاكل ووجع القلب يعني».