بملعقة واحدة.. 6 فوائد للعسل تحدث في جسمك لن تصدقيها.. ما هي؟
امرأة تشكو على فيس بوك: «مرات أخويا مش بتساعدنا».. والأخريات تهاجمها: «هي مش خدامة عندكوا»
الإثنين 25/أبريل/2022 - 07:00 م
ساندي جرجس
تقع الكثير من المشاكل في العلاقات الزوجية بسبب أخت الزوج والحماة، وفي تلك الحالات تعاني المرأة من ظلم حماتها أو أخت زوجها لها وهو ما يسبب تفاقم المشكلات ويؤدي أحياناً إلى الطلاق.
ونشرت امرأة مشكلتها على موقع التواصل الاجتماعي "فيس بوك" وهي تشكو من زوجة أخيها التي تريدها أن تساعدها وتخدمها وتخدم والدتها وهي لا تقوم بذلك، ولكن قابلت تلك المرأة هجوم غير طبيعي من المتابعات الأخريات بدلًا من أن يشجعها أحدهم على ما تقول.
وكتبت تلك المرأة: «إزيكم جميعاً عايزة آخد رأيكم، هو مش من الواجب أن مرات أخويا تنزل تساعد أمي كل يوم ولما نتغدى أنا وإخواتي عند أمي هي اللي تنضف وتلم من بعد ما نمشي، وأي يوم نيجي فيه تطلع تقعد معانا ومتنزلش غير لما نروح؟ أنا بعمل كده مع حماتي ومفيش مشكلة!».
وكانت التعليقات كالآتي:
قالت منار: «لا مش واجب هى مش خدامة كونك مجبرة على وضع مش لازم تطلعي القهر اللى انتي فيه على مرات أخوكي وتخربي عليها».
ترضيها ع نفسك
وعلقت رضوى: «وعلى كده ترضيها ع نفسك إنتي وإخواتك تبقي ف بيت أبوكي ومتساعديش أمك وتسيبي الغريبة هي اللي تقوم بالليلة من غير مساعدتكو حتى».
وقالت ريم: «ليه وهو حد قالوكوا إنها الخدامة اللي جايبها أخوكو يعني ولا إيه؟ هي لو بتساعد معاكو في البيت ف دا ذوقيًّا منها لكن مش فرض عليها أبدًا ولا من حقك إنك تقولي كل الكلام دا أصلًا».
مش مجبرة تعمل حاجة لمامتك
وعلقت ميادة: «مش عشان انتي بتعملي كده مع حماتك يبقى كله يعمل كده هي براحتها ف بيتها تنزل أو لا هي حرة، وكمان هي مش مجبرة تعمل حاجة لمامتك ده ذوق منها لو عملت كتر خيرها».
اقرأ أيضًا..
وقالت سمر: «ده بجد ؟؟ وانتي يا قلبي متلميش مكانك ليه وتساعدي إنتي مامتك قبل م تمشي ولا إنتي جاية تبهدلي والخدامة تلم وراكو».
لا مش واجب
ومن جانبها علقت أية: «لا مش واجب لو هي حبت تعمل حاجة أو تساعد مامتك في الأكل فده هيبقى من حسن تربيتها، لكن تنضف وراكو ليه يا حبيبتي؟؟».
