وأضاف الداعية مصطفى حسني خلال حلقة اليوم من برنامج القناع، أنه :"من ضمن خسائر اللي لابس قناع الجاني، هو دوام إحساس الحسرة على النفس في العلاقة مع الله، طبيعي إن الإنسان يغلط، وربنا بيعلمنا إن ده وارد، فلما تغلط انت مش مطرود، ماتحسش بالحسرة، انت مش معطوب".

وتابع مصطفى حسني: "أن الإنسان لما يحس إنه مش كفء إنه يتحب، أو لما تحصله مشكلة في علاقاته مش عايز يواجهها، مهما صلحت محدش يبصلي، أنا مليان عيوب، حيث إن هناك فارق بين الذنب والعار، الذنب أنا غلطت وعندي إحساس الذنب، إنما العار أنا المشكلة فيا أنا المعيوب أنا اللي ربنا خالقني مستحقش لا أتحب ولا أستحق أدخل الجنة ولا هعرف أشتغل مع حد محدش هيقبلني القناع ده مرهق أوي لازم يتشال ويحل محله الشخصية اللي جواكً الشخصية الصادقة المتعافي".

وأكد الداعية الإسلامي مصطفى حسني، أن :"كل من يتوب لربنا سبحانه وتعالى، ليس معطوب أو معيوب، بل متعافي، انت بس اخلع قناع الجاني وعيش بالشخصية الصادقة المتعافي، لإن قناع الجاني مرهق ليك وللي حواليك، أما النفس المتعافية فهي قادرة تكمل الحياة مع ربنا".