مصطفى حسني: «قناع المتساهل ينكر المعاناة والزعل خوفا من إنه يتساب لوحده».. فيديو

وتابع، اللي لابس قناع المتساهل عنده احتياج القبول، وبيبحث عن الانتماء نفسه يبقى مع الناس لكنه بيترعب من الوحدة واترسخ جواه من صغره إن الشخص اللي بيرفض طلبات الناس أو اللي بيزعل من الإهانة الناس بتسيبه فبيبقى وحيد وبيقولوا عليه أناني، فقال أنا مش أناني أنا متفاني.

وأكمل الداعية الإسلامي مصطفى حسني خلال برنامج القناع، أن قناع المتساهل كل حاجة عنده أنا موافق عليها، كل مساعدة هتطلب هقوم بيها، أي حاجة هتزعلني مش هعبر عنها، لحسن لو عبرت يتقال عليا إن أنا إنسان أناني وإنسان متحجر واتساب لوحدي.

وأوضح، مصطفى حسني، اللي عايش بقناع المتساهل عنده خوف إنه يتساب ويبقى لوحده، وعنده احتياج القبول والحب والتقدير، ومحتاج إنه يتنازل عن القناع ده، ويعيش بشخصيته الصادقة، المصان بيصون نفسه.

وأكد أن الشخص اللي لابس قناع المتساهل بيخاف من الوحدة ونفسه يبقى مع الناس، اترسخ جواه إن اللي بيزعل من الإهانة أو بيرفض طلبات الناس بيبقى وحيد وبيقولوا عليه أناني.