وأضاف الداعية مصطفى حسني خلال برنامج القناع: "أن اللي لابس قناع المعترض للأسف بيخلي القعدة فيها رؤية لكل السلبيات اللي في الأحداث والأقدار والأشخاص"، لافتا إلى أنه في معظم الأوقات :"يكون اللي لابس قناع المعترض بيعترض على حاجات ملهاش حل، زي الاعتراض على الحر أو الزحمة، واعتراضه على أشياء في أقدار ربنا - سبحانه وتعالى- كان الأولى عدم الاعتراض عليها والانشغال بإن إحنا نعرف نصلح اللي نقدر نصلحه في محيط بيوتنا وأشغالنا لإن القناع ده مزعج لنفسه ولغيره".

وأوضح: "اللي لابس قناع المعترض عنده احتياج التأثير واحتياج إنه ينصح الناس وإنه يشعر بالتقدير، لكنه خايف يبقى سلبي ومستسلم للواقع، فبدل ما يضيف للناس بنصائح بناءة أو أفكار تساعدهم، هو اختار إنه يعترض، وللأسف قناع المعترض عبئ كبير على صاحبه وعلى اللي حواليه".

وأكد مصطفى حسني، :"أن أول خسارة بيعيشها اللي لابس قناع المعترض إنه بيتحول لإنسان سلبي، هو فعلا باصص لنصف الكوب الفارغ فقط، عينه اتمرنت تشوف الناقص، أصبح حكمه مشوه للأمور"، موضحا: "الشخص المتقبل مش شخص سلبي الشخص المتقبل قبل ما يعترض بيفكر هو اللي أنا هعترض عليه ده ينفع يتغير وإحنا قاعدين كده وهل أصلاً من حقي أعترض وهل دي وجهة نظري ولاهو ده الحق مفيش غيره فالكل يسكت ويسمعوا كلامي عنده شيء من التريث ".