ناقش الداعية مصطفى حسني، في الحلقة السادسة عشر من برنامج القناع، شخصية صاحب قناع مفرط الحساسية، موضحًا أنه هذا الشخص يكون حزنه كتير.. لإنه بيعاقب دايمًا بالزعل.

وأوضح الداعية مصطفى حسني، أن :"صاحب قناع مفرِط الحساسية بيحب الاهتمام والتقدير وبيدور على الانتماء والحب"، مضيفا: "الحقيقة دي احتياجاتنا وحقنا كلنا لكن في خوف إن يتم تجنيبه أو تهميشه أو إهماله فاستخدم الحساسية الزائدة والزعل الكتير، لطلب الاهتمام فعاش حِمل على نفسه وبعد الناس بسبب كتر الزعل".

وأشار إلى أن :"اللي لابس قناع مفرط الحساسية، الناس بتبقى قاعدة معاه متوترة، خايفة تقول كلمة يزعل، غير أنه بيعتذر عمال على بطال، لإنه بيتعامل معاك بالطريقة اللي عايزك تعامله بيها".

طبع صاحب قناع مفرط الحساسية

وأضاف الداعية مصطفى حسني خلال برنامج القناع، :"أنه من طبع قناع مفرط الحساسية إنه لو حد اتعامل معاه بطريقة يشك فيها إن الشخص ده مش مهتم بيه، يعاقبه بالزعل، كثير إظهار الزعل والضيق"، موضحًا: "أنه شخص بيمارس الزعل الكتير علشان يجذب اهتمامك وإنك تراعي مشاعره باستخدام سلاح القمص الكتير".

اقرأ أيضًا..

معنى كلمة «عصا موسى» في مواضعها الثلاثة ببرنامج اسأل مع دعاء| فيديو

وأكد الداعية الإسلامي مصطفى حسني، :"أن اللي لابس قناع مفرط الحساسية عنده احتياج طبيعي إنه يشعر بالاهتمام، الناس تهتم بيه وبمشاعره، لانه اترسخ من صغره إن الإنسان اللي ما بيزعلش الناس ما بتاخدش بالها منه، واللي ما بيخدش على خاطره الناس بتيجي على خاطره".