بملعقة واحدة.. 6 فوائد للعسل تحدث في جسمك لن تصدقيها.. ما هي؟
«أعامل أهل خطيبي إزاي؟» أبرز مشاكل البنات على "الفيسبوك"
الأحد 10/أبريل/2022 - 02:01 م
ساندي جرجس
تحتار الفتيات خلال فترة الخطوبة من الطريقة التي يجب أن تتعامل بها مع أهل خطيبها، حتى يمكنها تحديد مصير علاقتها بهم حتى بعد الزواج، وطرحت إحدى الفتيات سؤالًا للنقاش في تلك المسألة على موقع التواصل الاجتماعي "فيسبوك".
وكتبت الفتاة تتساءل في منشور: «أتعامل مع أهل خطيبي بأحسن ما عندي وأودهم، ولا أتعامل بالمثل وفعل برد الفعل ولا أكون بعيدة أحسن ومليش دعوة بحاجة؟!».
وكانت التعليقات كالآتي:
- "خليكي الأحسن"
قالت آلاء: «اتعاملى بما يرضى الله وبالواجب والأصول وأي حاجة حلوة تعمليها متستنيش مقابل ليها اعمليها لوجه الله وادعي دايمًا ربنا يلقي عليك محبة منه ويؤلف بين قلوبكم وهتلاقى كل حاجة كويسة».
كما علقت وسام: «خديها قاعدة ليكي دايماً اتعاملي بالأحسن صدقيني هيتردلك قدام في حياتك مش شرط يتردلك منهم، بس هيتردلك من ربنا في حاجات مختلفه ليكي تعاملي لله صدقيني هتكوني دايماً كسبانة فاهمة عليا».
اقرأ أيضًا..
- "خليكي بعيد أحسن"
بينما علقت شيماء: «خليكي بعيدة أحسن وكفاية بالتليفون كل فترة أو في المناسبات ومتتكلميش بعفوية أبدا خليكي حذرة ومتتدخليش في أي حاجة ولا تبقي طرف في موضوع ومتأمنيش متأمنيش، وفي الآخر أهم شيء إنك متغضبيش ربنا واتعاملي بالحسنى بردوا حتى لو في الحدود زي ما قولتلك».
وقالت رانيا: «اتعاملي بأحسن ما عندك وهما أكيد بيتعاملوا بأحسن ما عندهم لو ناس كويسة بس لو عملوكي زي بنتهم بلاش تيجي بعدين تتغيري عليهم وتبقي وحشة معاهم، قدري المعاملة الحلوة واختاري تعيشي حياة سعيدة مفيهاش نكد وحوارات».
ولكن علقت مريم قائلة: «بعيدة أحسن وملكيش دعوة بحاجة أي تدخل حتي لو بسيط ممكن يقلب بمشاكل حاولي تكوني كويسة معاهم مدام كويسين بس في الموقف وبس، بس مامتو لو ست كويسة اتصلي بيها دايمًا واسألي عليها، بس متدخليش أوي معاها لأن أي تدخل زايد عن اللزوم مع أي إنسان عمومًا مش أهل خطيبك بس بيعمل مشاكل».
وعلقت سارة: «يا إما بنفس الفعل يا إما بعيدة.. إنما بأحسن ماعندك للأسف حيطمعهم فيكي وحيحصل مشاكل لأن حيشوفوا دا حق مكتسب ليهم».
