دنيا ودين

«مصطفى حسني» يتحدث عن صفات الشخص المنهك بمسئولياتك في الحلقة السابعة من «القناع».. فيديو

السبت 09/أبريل/2022 - 04:00 م

عزة رشدي

تحدث الداعية الإسلامي مصطفى حسني، في الحلقة السابعة من برنامجه القناع، عن الشخص الذي يرتدي قناع المنهك بمسئولياتك؛ حيث إن هذا الشخص تراكمت بداخله عبر السنين "إن اللي مابيساعدش الناس ويعرفهم بكده.. هيهمشوه ويهملوه.. ومش هيحافظ على قيمته وسط الناس"، فبدأ يساعد ويدعم، ولكنه لبس قناع المنهك بمسئولياتك. وأضاف: "طبع المنهك بمسئولياتك إنه دايمًا بيسأل عنك وبيتطمن عليك، وبعدين يتصدر علشان يحللك مشاكلك وده أجمل ما في القناع، إنه شخص بجد سند ودعم بس مش دي المشكلة، مشكلة القناع ده إنه بيعرف الناس هو تعب قد إيه علشانك، لأنه عنده احتياج البقاء، بقاء مقامه في وسط الناس محترم ومتقدر ومحبوب، بيحصل على التقدير والاهتمام لكنه اترسخ في رحلة حياته إن الناس بتقدر اللي بيخدمها ويتفانى في خدمتها وهو مش عايز يقى مهمش ولا مُهمل بيدور على التقدير".

خسائر قناع المنهك بمسؤولياتك

وتابع الداعية مصطفى حسني: "إن من خسائر قناع المنهك بمسئولياتك، هو ملل وضجر وزهق المقربين من الخدمات، رغم إن الإنسان يحب أوي حد يساعده ويخدمه ويشيل عنه، لكنه يتألم أوي لو حد أذاه، والعلاقة دي سماها علماء النفس العلاقات الـ toxic السامة، إن أنا لو قعدت أفكرك أنا تعبت قد إيه علشانك، ده معناها إنت قدرك قليل قد إيه ومش قادر تتحمل مسئولياتك فتعبتنا عشانك".

اقرأ أيضًا..

فتاوى رمضان| هل وجود عماص العين يبطل الوضوء؟ «الإفتاء» تُجيب

معاناة

واستكمل: "هو قناع بيبحث بيه الإنسان عن الامتنان والتقدير والناس تعرف قيمته وتُبقي قيمته كبيرة.. لكن للأسف.. لابس قناع المنهك بمسئولياتك لأنه خايف من التهميش.. فالخساير كتيرة.. واللي حواليه بدأوا يخبوا ويبعدوا عنه وصاحبنا اللي ممكن يكون واحد مننا اللي عاش بقناع المنهك بمسئولياتك هو إنسان طيب وبيدورعلى التقدير والحب والاهتمام واتكون عنده في رحلته إن محدش هيقدره إلا لما الناس تعرف قد إيه بيتعب وبيضحي عشانهم فكان يخدمك بس لازم يقولك وده بيضيع اللي هو بيدور عليه فالناس تمل وتبعد".