تناول الداعية الإسلامي مصطفى حسني، خلال الحلقة  الخامسة من برنامجه القناع، الحديث عن الشخص الذي يرتدي قناع المعصوم.

قناع المعصوم

وقال مصطفى حسني، :"اللي لابس قناع المعصوم بيفر منه من عار الاعتراف بالخطأ، رغم إن هو بيدور على الأمان والإحساس بالقيمة عند الناس، والاعتراف بالخطأ إنه يشيل القناع ده، من أكتر الحاجات اللي بتخلي الناس تحترم بعض أصلا".

وأضاف: "متقولش أنا وأخويا على ابن عمي، وأنا وابن عمي على الغريب، انت وأخوك وابن عمك مع الصح"، متابعًا: "اللي لابس قناع المعصوم بيحصله كل شوية تراكم، أنا مبحبش نفسي، بينه وبين نفسه أنا صغير، أنا ضعيف وجبان إني أعترف إني غلطان، لكن المنصف معندوش الخناقة دي خالص".

الاعتراف بالخطأ

وأوضح الداعية مصطفى حسني، قائلا: "لما قولت أنا غلطان دي معلومة صحيحة، وفيها كمان احترام للناس واحترمت إنك قولت حقك عليا، وإن رأي طلع غلط، وده بيعمل أمان عند الناس، فالتقدير مضاعف، وبيديك احترام إنك لما تمسك في رأيك بعد كده يقولوا أيوة هو صح".