كلام ستات

«جوزي عاوز يقتل ابنه عشان أخدم أمه».. مشاكل النساء على السوشيال ميديا

الأربعاء 06/أبريل/2022 - 11:45 م

ساندي جرجس

أثارت مشكلة إحدى النساء جدلا واسعا على موقع التواصل الاجتماعي "فيس بوك"، حيث شاركت امرأة مأساتها على إحدى جروبات النساء تشكو من زوجها الذي قرر قتل ابنه من أجل أن تتفرغ زوجته لخدمة والدته، وهو ما أثار غضب الكثير من النساء من هذه النوعية من الرجال.

وكتبت المرأة في منشورها عن تلك المشكلة المثيرة للجدل قائلة: «أنا متجوزة وحامل وده اول حمل ليا وحماتى قاعده معايا عشان مريضه مع العلم ليه اخوات وانا بخدمها، دلوقتى جوزى عاوزنى انزل الحمل عشان اقدر على خدمة مامته وانا فى الشهر التالت، و بيقولى هخدك عند دكتور عشان تعملى إجهاض وحالف عليه طلاق ما اقول لأهلي وانا حزينه مقهوره احرم من نفسى من الامومه عشان امه اتكلمت معاه وقولت مش هقصر والله يقولى لا راح حلف طلاق تلاته انزل الجنين حتى مش خايف عليه يجرالى حاجه، اعمل افيدونى بالله عليكم بسرعه عشان اتفق مع دكتور انزل الجنين بكره».

وكانت التعليقات كالآتي:

قالت لها فاطمة في تعليق: «اوعى تعملى حاجه من ورا اهلك اوعى انتى مش راحه تاخدى حقنه ياماما قولى لاهلك انزلى روحيلهم خليكى عندهم وهما يحلو معاه سواء هتنزلى وكل شىء نصيب أو سواء هتكملى والحمل يكمل».

لا طاعة لمخلوق في معصية الخالق

وعلقت نجوى: «لا حول ولا قوه الا بالله العلي العظيم ده حقيقي ولا هزار يا جدعان وفي رمضان عادي كده لو الحكايه دي حقيقي فاسمعي مني الكلمتين دول الحكاية واضحة زي الشمس ده جايبك خادمة لأمه وشكله كده مش هيطول معاكي عشان كده مش عايز عيال منك فالخلاصه ده تسيبيله البيت وتروحي لاهلك واوعي ترجعيله تاني».

وقالت آية: «لا طاعة لمخلوق في معصية الخالق واكيد تقولي لأهلك ده واحد غير امين عليكي ولما تروحي فيها دلوقت كسبتي انتي ايه لاحول ولاقوة الابالله العلي العظيم».

مش خايف من ربنا

وقالت منار: «انت بتسالى؟ بجد والله ! واحد لا بيخاف ربنا ولا بيخاف عليكى وانت مخوفك حلفانه، لا طاعة لمخلوق فى معصية الخالق وقتل النفس من الكبائر سبيه اللى ميخافش ربنا ميتامنش، حسبي الله ونعم الوكيل».

وعلقت سارة أيضا: «يعنى خايف على مامته ومش خايف من ربنا ولا عليكى تفتكرى دة انسان عدل عشان تخافي تقولى لحد مايغور في داهية وياترى مامتة رأيها اى ف الموضوع دة».

وقالت إيمان: «لا اطلقي احسن لاحول ولا قوة الا بالله العلي العظيم هو ف إلى بس ياجدعان دة ربنا مش علة مزاج حد اوعي تعملي كدة ربنا يقومك بالسلامة ربنا يهديهو لك انا هعيط والله».

اقرأ أيضًا..