زوج يسأل «مراتي بتحب راجل تاني أعمل إيه؟!».. والتعليقات: «عندها حق!»

ونشر أحد الرجال مشكلته مع زوجته في إحدى تلك الجروبات طالبا نصيحة ورأي الآخرين من المتابعين في حل لمشكلته، ولكن كانت النتيجة هي هجوم على ذلك الشخص لما قام به من ظلم لزوجته ورد الخطأ بخطأ أكبر منه.

وكتب الرجل في منشور، إن زوجته كانت تعمل بالتجارة وهو يسافر للعمل بعيد عنها وبسبب ذلك أهملها كثيرا حتى اكتشف أنها تخونه ووقعت في حب شخص آخر وعلى تواصل معه، وساعده في اكتشاف ذلك عائلته وعند كشفها قاموا بضربها وهو أيضاً معهم ومن وقتها وهو يهينها ويجعلها معه فقط كخادمة للأطفال وله، وهي تقبل بذلك من أجل أبنائها وخوفا من الفضائح بعد رفضه الطلاق.

وقال في المنشور: «كلامها بقي قليل جدا ومثلا اجيبها تبوس جزمتي توافق تبوس رجلي توافق، ولا بتحب تخرج ولا تتفسح ولا راضيه حتى تاخد مصروف مني، كما أنها ترفض أن تحلف أنها لا تحب هذا الشخص ونسيته، اعمل ايه فيها دي تعبت يا ناس هي عاوزاه هو ولا انا؟ ومش عاوزه تحلف».

قالت مروة: «بصرف النظر عن غلطتها الكبيرة انت بقي شايف نفسك كدة راجل الحقيقه انا متعجبه من موقفك جدا، ازاى اصلا قابل على نفسك تعيش غصب مع واحدة مش طايقك وبتحب غيرك مستحيل تكون طبيعى انت محتاج علاج نفسي والله».

علقت سارة قائلة: «استغفر الله العظيم اول مرة ف حياتي اتعاطف مع واحدة حبيت غير جوزها لان من الواضح انك فعلا انسان بارد ومعندكش كرامة».

وعلقت ملك: «حسبنا الله ونعم الوكيل فيك انت مش راجل....تواجهها بمشكله كبيره اد دي قدام اهلك...وتخليهم يمدوا ايدهم عليها وانت معاهم...الغلطه مشتركه بينكم...واحب اقول لك أنها طبعا مش عاوزاك وبتحب الشخص التاني...ولو الفرصه سمحت لها واتجوزته هتكون اسعد انسانه....ربنا يسامحها ويهيئ لها الخير يارب».

وقالت سمر: «عندها حق تكرهك والله انت جردتها من انسانيتها وفضحتها وسمحت لاخواتك يهينوها ويضربوها وذلتها علي الرغم اني مش معاها ابدا في اللي عملته انها خانت نفسها قبل ماتخونك لكن حسبي الله ونعم الوكيل فيك».

وعلقت إسراء: «رغم استفزازك ليا انا وبصراحه شايفه إنها لو كانت شافت انكم هتخرجوا باحترام فاكيد كانت هتطلق وتتزوج الثاني لكن هي فهمت الليله لما اخذتوا حقوقها وكسرتوها واحد طبيعي كان انفصل باحترام ونهى الموضوع وستر مش فضح واخذ حقوق مش بتاعته هو مش حضرتك ربنا علشان تعاقبها وحسبي الله ونعم الوكيل في كل ظالم».

وعلق أحد الرجال قائلا: «معدنها اصيل وندمانه خلاص ورجعتلك حاول تحببها فيك خدها فسحها واخرج قولها انك خلاص سامحتها بص خليها تحبك ومتسألهاش تاني هو في قلبها ولا اكبر غلط لا تسألوا عن أشياء إن تبد لكم تسؤكم احتوي مراتك احتويها على  قد ما تقدر وحبها من اول وجديد وخليك انسان اكتر من كده شويه وانضف في معاملتك معاها او فارق بالمعروف عشان خاطر ولادك».