نهى أباظه تكتب: وبكسبها من غير جون
اسمي كوره ومليش لون.. بكسب فيها من غير جون.. اتنطط علي كيفي وراحتي.. من مصر لـ ليفربول.. وبكسبها من غير جون..
بكسبها وأنا عيني مليانه.. والكورة في ملعبي مياله.. في الباك أو ليفت شغاله..
أصل أنا هداف ومش خواف..
ماشي فيها بلمس كتاف.. حاضر.. غايب برضه متشاف..
وبكسبها من غير جون..
بكسبها من نص الملعب وغيري بيشوط..
بكسبها قط مع نفسي... ولابس تيشيرت الحوت..
ولو مخبوط أو مش مظبوط بلف الملعب واعد خطوط..
بكسبها وأنا ساكت فيها.. وحكمها واخدها بالصوت..
وبكسبها من غير جون..
بكسبها والعرضه أستاذه.. بكسبها لو رموني بإزازه..
بكسبها وأنا محشي قطن.. ومن بره قماش.. بكسبها بأعلى سعر أو ببلاش...
اللى راح واللي ماجاش... اعدى ال ديزل والقشاش...
وبكسبها من غير جون..
بكسبها مع حكم بسلاسل... ولعيبه عماله تحاسب..
والحيله كاش مش قسط... هجومها دفاع وخط الوسط..
ضحكه في وشي .. وهجوم فى افايا... ودفاعها قال فاكره معايا.. ...
ماتشها ساعه نص.. مش ساعتين ...حكموا عليا بعد شوطين .
..لا ده كويس ......لا مش نافع .. ده كان واقع من دورين..
وبكسبها من غير جون..
بكسبها فزلوكه من يومى.. وبغير ماتشي مع هدومى....كارتها الاصفر مش تهديد.. والأحمر مش طرد عبيد.. بلعب فيها لأخر عمرى..والوقت الضايع تأكيد..
وبكسبها من غير جون ..