ويعتبر انسياق النساء المتزوجات والأمهات، وراء "الفيس بوك" وجروبات البنات والنصائح المريضة التي يتم طرحها عليه سببًا كبيرًا في خراب العلاقات الزوجية وهدم الأسرة واستقرارها.

ولكن هل بالفعل تلك الظاهرة حقيقية؟ وكيف ترى النساء جروبات البنات وهل لاحظت ما تسببه من كارثة تهدد المجتمع أم لا؟ 

بالفعل تحدثت الكثير من الفتيات عن تلك الظاهرة التي أصبح معروفة عن "جروبات البنات" على موقع "فيسبوك" ونصحت الأخريات بالابتعاد عن سماع تلك النصائح الواهية؛ حيث قالت دعاء في منشور: «جروبات البنات بقت مريبة كل واحدة تنزل بنات عندي مشكلة مع خطيبي ... ششش افسخي بنات أنا عندي مشكلة مع جوزي ... ششش اطلقي، حياه الناس بقت على الملأ طيب لما انتي مدركة إن فيه مشكلة قدامك حاجتين يتحليها وتفكري و تشغلي مخك أو تعتزلي ما يؤذيكي ببساطة كل واحده هتقولك رأي أو تجربة انتي مينفعش تاخدي بيها لأن مشكلتك غير مشكلتها حياتك غير حياتها وظروف مشكلتك غير ظروف مشكلتها».

وقالت سمر أيضاً ساخرة على تلك الجروبات والنصائح: «يا بنات أنا جوزي بي...ششش اطلقي ده حال جروبات البنات، إنتي لسه هتحكي اتطلقي واخربي بيتك وبعدين نبقى نفهم منك حصل إيه».

وعلقت مريم على منشورها قائلة: «وهو هو نفس الجروب اللي يكتب سؤال: تفتكروا إيه سبب ظاهرة الطلاق؟».

وقالت آية: «جروبات البنات أصبحت: يا بنات عندي مشكلة انا..... - ششش اطلقي.. سبيه.. ارميله عياله.. انفدي بجلدكـ.. اطلقي.. يا بردوك انتي مستحملة ازاي... سبيه.. انتي معندكيش دم عشان تكملي مع انسان كده.. اطلقي..ولعي في حماتك ... اطلقي ملهاش حل غير كده....سبيه... اطلقي».

وكتبت وسام منشور عن تلك الظاهرة وقالت: «بنت علي جروب بتسأل تعمل سندوتشات لجوزها إيه وهو رايح الشغل البنات المصريين يقوللها الاقتراحات لا، التعليقات: ليه تعمليله؟ هو صغير مش عارف يعمل؟ إنتي فاكراه ابنك؟ ششش اطلقي».