قرار من الجهاز القومي للاتصالات عن أسعار خدمات الإنترنت والمحمول
وسط احتفالات شهر المرأة.. البنات على «فيسبوك» تتحدث عن حب الأب
الخميس 10/مارس/2022 - 05:00 م
ساندي جرجس
على الرغم من انتشار كلمات الحب والتقدير للمرأة على موقع التواصل الاجتماعي "فيسبوك" ومشاركة الجميع لمنشورات تعبر عن مشاعرهم تجاه الأم والمرأة بشكل عام خلال شهر مارس المعروف بـ"شهر المرأة"، إلا أن بعض الفتيات أصرت على التحدث عن حب الأب ومكانته في حياة الأنثى.
وكتبت إحدى الفتيات في منشور طالبة تعليق الأخريات والتحدث عن آبائهم، قائلة: «لخصي أبوكي في كلمتين»، وكانت التعليقات مؤثرة بشكل كبير وجميعها يدل على تعلق الفتاة بأبيها لدرجة كبيرة.
ظهري وسندي
فقالت مروة: «حبيبي الظهر والسند اللي من غيره الدنيا بتلطم فيا مفيش كلام يوصفه ربنا يديه الصحه ويفضل مضلل عليا وعلي عيالي ومايحرمنيش منه أبدا هو وأمي اللهم آمين».
وعلقت نورا: «كان أحن وأطيب وأحسن أب في الدنيا كان هو مصدر أمن وأمان وسند وضهر ليا مشي آه وسبني بس ساب معاه سيرته الحلوه اللي كل الناس بتتكلم عليها حتى بعد ما عدى 14 سنة عايشة من خيره وبسيرته حبيبي وحشني أوي ووحشني حضنه».
اقرأ أيضًا..
وقالت سارة في تعليق: «بابا السند والضهر واللي مليش غيره في الدنيا مفيش حاجة بعد حنية الأب ولا الدلع اللي بدلعه في بيته ربنا يخليه ليا ويبارك فيه».
وعلقت آية: «مينفعش يتلخص في كلمتين ربنا يرحمه ويغفر له ويجعل قبره روضة من رياض الجنة».
مفيش زيه
وقالت ميرا: «مفيش زيه مهما شوفت أبدا أقسم بالله ما في طيبه زيه ولا حنيته ولا حد عمل مع ولاده زي ما بيعمل معانا، بالفعل مش بالكلام وخلاص ربنا يخليه لينا ويفضل سند وأمان في حياتنا بعد ربنا يارب».
وعلقت ندى قائلة: «عمودي الفقري هو سندي وضهري..هو الدنيا باللي فيها».
