بنات

من خبرات البنات.. «بتعرفي إزاي إنك مع الشخص الصح؟»

الإثنين 28/فبراير/2022 - 08:36 م

ساندي جرجس

نشرت إحدى الفتيات سؤالاً أثار الجدل على أحد الجروبات النسائية بموقع التواصل الاجتماعي "فيسبوك"، حول فن العلاقات بين الرجل والمرأة، حيث كتبت: «بتعرفي إزاي إنك مع الشخص الصح؟!».

وجاءت التعليقات من كل فتاة تعبر عن رؤيتها ونظرتها للعلاقة السليمة والشخص "الصح" من وجهة نظرها، فقالت رشا: «لما مكنش مرهقة في العلاقة، لما مكنش محتاجة أبرر كلامي أو مواقفي أو ظروفي، لما أحس بالأمان والاطمئنان في العلاقة».

وكتبت سها في تعليق: «لما بتبقى مبسوطة بوجوده وحزينة في غيابه لما تحتاجيه تلاقيه في وقت غضبه حليم وفي وقت فرحه كريم بيسامح مش شرط ينسى لأننا بشر بيعز عليه زعلك ووجودك فارق عنده هو كمان، بتديله وأنت مبسوط وتبدي نفسك عليه بتحب تشوفه بيضحك وتحس إنه لو زعلان إن الدنيا كلها مقفلة وكئيبة بيطبطب وأنتِ كمان بتطبطبي، بيسامح بسرعة لو أنت مزعله وبتسامحه لو هو زعلك حاجات كتير جدًا».

وعلقت آلاء: «لما برتاحله نفسيا وبحسه حد كويس ملوش في نقل كلام ويرشدني للطريق الصح ومش يضللني».

بينما قالت حبيبة: «لما بكون مرتاحة لما ألاقي نفسيتي أحسن لما بقدر أحقق طموحاتي لما ألاقي نفسي مش قادرة أكمل وهو يساعدني أكمل الطريق».

كما علقت إيمان أيضًا: «أنا عمرى ما حسيت إحساس إني مع الشخص الصح أبدا ودايمًا بخاف لو مطمنة 99،9 الـ 1 دا بيكون هو الغالب عليا من خوف وقلق».

وقالت شروق: «الأمان ف كل حاجه بقى في الزعل و في شغلك وحياتك، عامة طول ما إنت حاسس بالأمان طول ما إنت هتأدي أكتر وتنجح أكتر عارف إن في حد في أي وقت هو جمبك مهما حصل ومهما إيه إتغير».

وعلقت رنا: «مع العلم إن كل واحد منا بيكتب لاحتياجه الخاص لحاجات معينة بس أنا عن نفسي الأمان والاطمئنان وألقى نفسي أحسن وأنا معه لما أقدر أحقق طموحاتي، لما أكون مرتاحة وصريحة، لما أتكلم من غير حساب لكلام، لما يكون شبهي ونصي التاني وحنين عليا وعلى أهلي ودايما يشجعني وأنا في أسوأ حالاتي، مش واحد بتاع حوارات ومقرف وبيتحكم ومفيش تفهم وعلى طول خناق».

اقرأ أيضًا..