كلام ستات

أعمل إيه مع الزوج القماص؟.. نساء فيسبوك يطرحن القضية

الخميس 24/فبراير/2022 - 03:49 م

ساندي جرجس

طرحت إحدى النساء سؤال على موقع التواصل الاجتماعي "فيس بوك"، لتحصل على النصيحة من الأخريات في كيفية التصرف مع زوجها «القماص»، فهي تعاني من الزواج من رجل كثير الزعل وتريد أن تأخذ نصائح هل تستمر معه أم لا؟

وقالت المرأة في منشورها: «مش حابة أظهر شخصيتى اعذرونى بس عاوزة اخد رايكو أنا اتجوزت لتانى مرة بس مش مرتاحة العلاقة مؤذية نفسيا بالنسبالى وضغط ديما وقمص قمص قمص كل شوية نكد نكد على حجات تافهة جدا خايفة من كلام الناس والمجتمع عشان مطلقة لتانى مرة افيدوني بعد اذنكو بنصائح تهدينى للطريق الصح».

وكانت التعليقات كالآتي:

علقت مريم قائلة: «حاولي تفهمي هو بينكد ليه .. يمكن هو كان نفسه ف حاجه معينه فى العلاقة اتكلمى معاه بكل صراحه واسمعى منه من غير ما تهاجمي الناس اللى بتنكد عادة أو 90 فالميه منهم بتبقي ناس حساسه والله لو ده الموضوع الوحيد وملقتيش سبب وحاولت كتير يبقي كبرى دماغك انتى شويه متزعليش على طول على زعله اسمعيه مره وصالحيه مره وطنشي مره وعاتبي مره كده يعني مشي الدنيا .. الرجاله مليانه مشاكل كل واحد هتلاقي عنده عيب مش هتاخدى ملاك».

مينفعش تنهي حياة كاملة

وقالت ندى: «مينفعش تنهي حياة كاملة بسبب *القمص والنكد* فيه بدايل كتير اوي غير الطلاق ممكن يكون بس زهق من الروتين عنده مشاكل ف شغله ف مضايق حاولي تتكلمي معاه براحه ف ساعة روقان كده شوفي ممكن تتدخليله من انهي طريقه واتكلمي براحه وفهميه انك بتتضايقي من كذا وكذا ومتحاوليش تعلي صوتك مثلا او تعملي حاجه تستفزه وانتي كمان اشغلي نفسك لو امكن ممكن تنزلي شغل تخرجي مع صحابك كده وتغيري روتين كل يوم».

حاولي مرة كمان

وعلقت أيضاً رحاب: «انا عارفه ان مادام كتبتي البوست ده يبقي حاولتي كتير بس حاولي مره كمان وادي فرصه ليكم تاني في اسباب كتير ممكن يكون بسببها القمص ده او النكد ضغط شغل او روتين او اي حاجه فا انا من رأي تعاتبيه وتكلمي معاه مره تانيه وبعدها تاخدوا بعضكم وتسافروا اي مكان تغيروا جو حتي لو يومين لو مفيش الامكانيه دي اخرجوا في مكان حلو كده وتفصلوا واققعدي ادعي كتير ربنا يصلح الحال بينكم ويهديه وان شاء الله اللي في الخير ربنا هيقدمه ليكي».

اتطلقي ولو ألف مرة

ونصحتها عفت قائلة: «يختي انشالله تطلقي الف مره م انتي اول مره كان اسمك مطلقه دلوقتي هيبقي اسمك مطلقه جزر تربيعي يعني ولا متطلقه اس 2 اهو خدنا اللقب المقندل وخلاص اختاري راحتك النفسيه وطظ في اي حاجه واي حد».