عمر مرموش يتصدر قائمة الأكثر تأثيرًا في الشرق الأوسط
«فرش شقة العروسة».. نصائح البنات في ترتيب منزل الزوجية
الإثنين 21/فبراير/2022 - 06:44 ص
ساندي جرجس
طلبت إحدى الفتيات نصيحة من الأخريات على موقع التواصل الاجتماعي "فيس بوك" فيما يخص ترتيب وفرش شقة العروس، وقالت في منشورها: «عايزة نصايح وانا بفرش شقتى ابتدى بأيه».
وقدمت لها الكثير من الفتيات النصائح المميزة الخاصة بفرش المنزل للعروس، حيث نصحتها إحدى الفتيات قائلة: «النيش مطبخ الدواليب دول الأساسيات وكملى بقاا الناقص هتلاقى كل حاجه ناقصه ظهرت معاكى أول ما تخلصى ال 3 دول».
وقالت سمر في تعليق: «ابدأي بالمطبخ وبعدين الدولاب وبعدين النيش آخر حاجه وبعدين فرش السرير والمفارش وسجاد وربنا يسعدك يا حبيبتي».
ونصحت العروس سلمى: «ابتدي بأكتر أوضه حاجتها عامله زحمه ودوشه المطبخ النوم النيش اي حاجه بعدهم».
وعلقت نور قائلة: «انا من رأيي لو انتي مقفلة حاجاتك في كراتين تكتبي عليها هي بتاعت المطبخ ولا النيش ولا اوضة النوم الكبيرة ولا الأطفال الهدوم من رأيي تكون متطبقة جاهزة وهي في الشنطه عشان تترص بسرعه ف الدولاب أنا ناويه اعمل كده لنفسي في المستقبل وربنا يتمملك بخير».
وقالت أمل: «احنا في اخواتي كنا بندخل كراتين كل اوضة او كل جزء في الاوضه بتاعتها يعني شنط اللبس في الاوضه وكراتين الملايات وهكذا المطبخ بندخل رفايعه وحاجته فيه وحاجة النيش والبار بس اللي بتفضل في الصاله فا بتبدا الدنيا تهدي وتوضح حواليكي لو انتي هتفرشي ومعاكي كذا حد قسمي الأشخاص كل اتنين تلاته مسئولين عن حاجه لو انتي لوحدك فا ابدأي بالنيش والبار عشان الحاجه متتخبطش جوه الكراتين وبعدين المطبخ وبعدين المفروشات وبعدين اللبس».
ونصحت منى العروسة قائلة: «اوضة النوم والدولاب وبعدها النيش والمطبخ كده الباقي كله سهل ربنا يسعدك يارب».
كما علقت سما: «لو عايزة تنجزى متخديش معاك ناس كتير بجد خدى 5 حلوين اوى وشوفى ناس تكون بتعرف تفرش اصلا لو اخواتك او خلاتك او كدا حد يعرف يرص النيش حد يعرف يعمل المطبخ متخديش ناس زى قلتهم علشان بيعطلوا الدنيا».
اقرأ أيضًا..
