بعد واقعة عروس الإسماعيلية| مين تكسب.. رضوى الشربيني ولا ياسمين عز؟

علقت كل من الإعلامية رضوى الشربيني، والإعلامية ياسمين عز، على واقعة ضرب عروسة الإسماعيلية التي أثارت ضجة كبيرة ، ونظرًا لأن كل منهما لها جمهور كبير وشهرة واسعة، تأثرت النساء كثيرا بتعليقاتهما على الواقعة والتي كانت تنتظرها بالفعل المتابعات لهن على السوشيال ميديا.

وعلقت رضوى الشربيني على واقعة ضرب العروسة في الإسماعيلية وقالت: «ده العادي لما الثور ينطح البهيمة فى الزريبة، لكن غير كدة قطع إيد كل واحد يمد إيده على واحدة ست، أهل البندر زى أهل الريف زي أهل الصعيد عندهم كرامة يا عديم الكرامة، والبلد دى فيها قانون لأمثالك لأ وبيتقال عليك راجل قال».

بينما كان التعليق الأغرب للإعلامية ياسمين عز، والي قالت: «لو كل واحدة جوزها قالها كلمة أو خبطها خبطة اتطلقت، فستات مصر كلها هتقعد في بيوتها، الراجل طبعه حامي وحمش ومراته دورها إنها تحتويه».

وجاءت تعليقات النساء على موقع التواصل الاجتماعي "فيس بوك" للرد على سؤال "أيهما تؤيد رضوى الشربيني أم ياسمين عز؟" كالآتي..

وقالت ندى: «مع احترامى للكل، العروسة قبلت وعايشة يبقى احنا مالناش دعوه ونسيبها في حالها ربنا يسعدهاا».

بينما علقت مريم قائلة: «رضوى طبعا اللي يمد ايده علي ست مش محترم، والست اللي تقبل كده على نفسها تستاهل اللي يجرالها».

وقالت نور: «مع إني مبحبش كلام رضوى... بس هي المرادي معاها حق جدااااا جداااا جداااا يعني».

بينما علقت مرام: «شايفة أن الاتنين صح كل واحد على حسب ظروفه وطباعه وحياته أنا مش زي غيري ده الاخوات مواقفهم بيختلفوا ما بالكم احنا الأغراب».

وقالت سمر: «رضوى طبعا الفيديو كان واضح وكان حقيقي كل الي بعد كده تضيع حقوق حسبي الله ونعم الوكيل في كل رجل ظالم يجي على وليه».

وعلقت هاجر: «كله عاجبه كلام رضوى طبعا وبنشجعها كمان بس كله ياسمين في الأخر فعلا كل الناس اللي زيها مش هتسيب فرحها وتخرب بيتها وتشمت الناس فيها وكل البلا بلا بلا اللي بنشوف في قرايبنا واخواتنا واصحابنا واهلنا كل دا نماذج حقيقية فعلا باختلاف المواقف اللي بنتحط فيها، في قليل اوووي لما نلاقي بقا استرونج اندبنتت ومن في نفسها يعني مش هتوصل في المرحلة دي غير اللي اشتغلت واتستقلت وبتحب شغلها ونفسها وذاتها جداا وقادرة تعيش من غير اي راجل غير كده شكليات».

وقالت رحاب: «ياسمين لأن الفيديو مش موضح ملابسات الموضوع أنا فعلا كنت حاسه أنه بيغمى عليها فى الاول ، فاحكم من الظاهر ليه».

بينما علقت منار: «عيب والله اما تكون وحده مثقفة ومذيعة ومهتمة بمظهرها والمفروض أن دا نموذج للست العصرية المتعلمة وتقبل الضرب والإهانة إلا إذا كانت هى عندها مرض نفسي بقى بتحب الإهانة مش لاقيالها تفسير إلا كده».

وقال أيضا ناردين ساخرة: «أنا بأيد إن ياسمين عز تاخد علقة زي بتاعت العروسة كداااا وتطلع عنيها مورمة تقولنا الكلام دا تاني».