بعد تصريحات ياسمين عز وعروس الإسماعيلية| عبد الله رشدي يؤيد.. ودعوات للمقاطعة

تصدرت المذيعة ياسمين عز الترند على مواقع التواصل الاجتماعي، بعد انتشار هاشتاج "أوقفوا ياسمين عز" قائمة التريندات على تويتر، بسبب تصريحاتها الخاصة بقضية عروس الإسماعيلية، ودفاعها عن ضرب العريس لزوجته يوم زفافهما في الشارع.

فيديو ياسمين عز

ودافعت ياسمين عز عن ضرب العريس لزوجته من خلال برنامجها "كلام الناس" المذاع على قناة "mbc"، وقالت: "الراجل بطبعه حامي وحـمش، وعلى المرأة أن تحتويه، راجلك ده هدية ربنا ليكي الموجودة على الأرض، نعمة من ربنا عليكي، حبيه بعنيكي وحافظي عليه، دي عروسة بنـت ناس وأصيلة وبنـت عيلة لمت دنيتها وخبت على شامعتها واحتوت الموقف واحتوت جوزها وراجلها".

وأضافت ياسمين عز: "مش معقول هتبوظ فرحها وهتبوظ فرحتها وحب 13 سنة علشان موقف إحنا مش عارفين تفاصيله، مش كل اللي تشوفه أو تسمعه أو تبص عليه في كاميرا أو في فيديو اتصور في شارع أو في بيت تصدقه، احنا لينا بالنهاية إنهم سمن على العسل ".

واستكملت ياسمين عز، "أكيد العريس عنده رصيد كبير أوي عند عروسته يخليها تغفر له والمسامح كريم، سعادة المرأة في وجود الراجل في حياتها، واللي تقولك من أول ضربه أو من أول لمسه ولا من أول تكه سيبيه دي مش بتحبك".

وواصلت، "لما تطلـقي صحبتك دي مش هتجيبلك عريس هتقعدي في البيت، فمش كل حاجة تحصل من الراجل نقول يلا طلقـني الراجل، ويقولك ايه ضل راجل ولا ضل حيطة الأمثال دي انا جبتها من عندي من البيت؟ لأ الأمثال دي موجودة من أيام الطيبين من أيام جدودنا ضل راجل ولا ضل حيطة وأن الراجل وجوده في البيت ده بيعني الكثير، سعادة المرأة في وجود الرجل ظهرك وأمانك وحمايتك".

وقالت ياسمين عز، "عارفين زمان كانو الستات بتوع زمان الحلوين يقولو ايه، يا سي محمد يا سي محمود يا سي عمر، سي جت منين؟ من سيدي وتاج راسي، هيطلع حد يقول سيدي وتاج راسي احنا هنرجع لزمن الجواري، هو مين بيلبس التاج، ملكة لما هو يكون سيدك وتاج راسك أنتي الملكة بتاعته لأن مبيلبس التاج إلا الملكة".

واختتمت ياسمين، "لما تكوني أنتي ملكته وهو تاج رأسك اتفرجي على حياتك الزوجية هتبقي عامله ازاي، جربي كده تقوليله يا سيدي يا تاج راسي عايز ايه،  والله مافي زوج بعد الكلمتين دول هيزعلك ولا يقولك تلت التلاتة كام جربي دي روشته ونصيحة مني خديها اسمعي للي بيقولك خافي على بيتك".

ياسمين عز تثير الجدل

وأثارت ياسمين عز الجدل على مواقع التواصل الاجتماعي خاصة بعد تداول الفيديو الخاص بها، حيث اتفق معها البعض، بينما انتقدها آخرين واختلفوا معها.

رد عبد الله رشدي على ياسمين عز

ونشر عبد الله رشدي، عبر صفحته الرسمية على فيسبوك منشورًا يتفق فيه مع رأي الإعلامية ياسمين عز، وقال فيه: "كلام الإعلامية ياسمين عز جميل وعقلاني ومنطقي، لنفترض واحد ومراته ضربوا بعض بالنار، حصل بينهم معارك، قطعوا بعض، وبعدين اتصالحوا وعايشين مبسوطين، فاللي عايز يتدخل بينهم بعد صلحهم ورضاهم في بيتهم يبقى حشري مريض أو حشرية مريضة، الحقيقة أنا سعيد بأن لسة فيه إعلاميات لديهنّ شيء من المنطق والهدوء".

ردود الأفعال المتضامنة مع ياسمين عز

كما جاءت بعض ردود الأفعال على مواقع التواصل الاجتماعي متضامنه مع ياسمين عز، مثل "والله كلامك صح"، "أصيلة وبنت ناس محترمة"، "كلام مظبوط البنت أدرى بمصلحتها لكن العنف غير مقبول"، "هي قال كلام واقعي وبيحصل فعلًا، العروسة لو مش موافقة على اللي حصل أكيد أهلها واللي حواليها مش هيسيبوها تتطلق في يوم الفرح ويعدوا الموضوع".

رد «سيدات مصر» على ياسمين عز

بينما انتقد البعض ما قالته المذيعة ياسمين عز وطالبوا بإيقافها، مثل مبادرة "سيدات مصر" حيث نشرت المبادرة منشورًا عبر صفحتها الرسمية على فيسبوك  للمطالبة بالتحقيق مع المذيعة ياسمين عز بخصوص تصريحاتها، ومقاطعة البرامج التي تُناصر للعنف ضد المرأة.

هجوم على ياسمين عز

وجاءت أيضًا بعض ردود الأفعال التي تنتقد تصريحات ياسمين عز، ومنها: "فيه حاجة اسمها ذوق عام . فيه حاجة اسمها عادات وتقاليد الزفاف، فيه حاجة اسمها أصول . فيه حاجة اسمها تعاليم الأديان السماوية لكن اللي حصل في الشارع خالف كل الأعراف وأذى مشاعر الناس وأصاب الناس بالذعر على السوشيال ميديا كان فيه مثل زمان بيقول بنات الناس مش لعبة ".

وقالت أخرى: "أهو دا كلام يضيع كرامة أي حد.. لما واحدة مذيعة والمفروض مثقفة تطلع تقول رأي متخلف زي دا "، " لا حضرتك المثل مش صح ومش كامل ضل راجل محترم صالح بیخاف ربنا عنده أخلاق وعارف دينه كويس ولا ضل حيطه هو ده المثل الصح ".

اقرأ أيضًا..

ضربها..اتصالحوا..دخلة سعيدة ..تفاصيل ضرب عريس الإسماعيلية لعروسه في الشارع