أخبارها سوشيال ميديا.. البنات تُجيب على سؤال «الزواج اختيار ولا قسمة ونصيب؟»

تشغل فكرة الزواج واختيار شريك الحياة المناسب بال الفتيات بشكل كبير، وخاصة بعد فشل الكثير من الزيجات في الفترة الأخيرة وارتفاع نسب الطلاق، فأصبحت الفتيات في حيرة من أمرها هل الزواج اختيار ويجب أن تحسنه أم هو نصيب ورزق من الله لا دخل لها فيه.

ولذلك طرحت إحدى الفتيات سؤال على جروب النساء على موقع التواصل الاجتماعي "فيس بوك"، وقالت: «هل الزواج اختيار ولا قسمة ونصيب؟!»، وكانت التعليقات كالآتي:  

قالت رشا: «من ده على ده يعني الأساسي الإنسان بيختار بعقله وقلبه ويشوف الي يقدر يكمل معه بقية حياته ويتقبل عيوبه لو ده حصل وكان موافق ارادة ربنا يبقي خير».

وعلقت ماري: «ربنا بيحط في طريقنا ناس وأنت بتختار وبيبان علامات تحذير ساعات وممكن مؤشرات تكمل وهكذا».

وقالت سماح في تعليقها: «مفيش حاجة اسمها قسمة ونصيب الجملة دي وهم كبير بنوهم نفسنا بيها أو شماعة بنرمي عليها حاجات عدتنا أو اترتبت نتيجة على اختياراتنا لما بتطلع غلط اي حاجة بتحصل للإنسان بتبقى نتيجة اختياره اي اتنين سابوا بعض أو كملوا بيبقي منهم وبيبقي فيه سبب واضح لده لكن ربنا خلق الإنسان هو اللي بياخد قراره بنفسه وبيتحمل نتيجته وإلا ربنا مكنش خلي الإنسان هو اللي بيختار أو بمعنى أصح ربنا ادي للإنسان حرية الاختيار».

بينما علقت نجوى على المنشور قائلة: «انت لسه معرفتش اختيار؟؟ وعقلك هو اللي يشارك في الاختيار اكتر من قلبك يعني مش الحب ياخد مكان العقل فيه حاجات لازم العقل اللي ياخد قرارها».