هادي الباجوري عن ياسمين رئيس: معنديش مانع مراتي تتباس.. والناس بتمشي بمايوهات| فيديو

 أدلى المخرج هادي الباجوري، زوج الممثلة ياسمين رئيس، بتصريحات جريئة وصادمة، أثارت الكثير من الجدل الساعات الماضية، حيث كشف عن رأيه في المشاهد السينمائية الجريئة، وموقفه من تمثيل زوجته ياسمين رئيس لمشاهد رومانسية تتطلب "البوس".

هادي الباجوري: معنديش مانع ياسمين تتباس

وقال المخرج هادي الباجوري، من خلال برنامج "كلام الناس" تقديم الإعلامية ياسمين عز على قناة MBC مصر: "معنديش مشكلة مراتي تتباس وتقدم مشاهد رومانسية لأني مش منافق ومعنديش عقد نفسية، البوس عادي في السينما والناس كانت بتتفرج والعيب في الجمهور، بفرح لما الناس تقولي جوز الممثلة، وفخور بنجاح زوجتي ياسمين رئيس، الممثلة اللي مش مستعدة للهجوم عليها متشتغلش، كلام الناس لا يشغلني في شغلي ولا حياتي".

البحث عن علا وبدلة الرقص

وحول الهجوم الذي شنه البعض بسبب مسلسل "البحث عن علا"، والذي ظهرت فيه الفنانة هند صبري والراقصة دينا ببدلة رقص من خلال أحد مشاهد المسلسل، قال المخرج هادي الباجوري: "نحن شعب يعاني من انفصام في الشخصية، مشوفتش تعليقات الجمهور حول بدلة الرقص في مسلسل البحث عن علا، ولكن هو مشهد حقيقي بيحصل في الواقع في قاعدة بنات وصاحبتك تجبلك بدلة رقص، وشخصية علا كان نفسها تجرب حاجة جديدة وترقص فـ صاحبتها جابتلها بدلة رقص عشان المشهد يتعمل صح، أحنا شعب دافن رأسه في التراب وعندنا انفصام في الشخصية والأحسن اللي مش عاجبه ميتفرجش إنما كدا إنتوا بتبوظوا شغلي وأنا بقيت أتجاهل أي تعليق بسبب كدة، لأن الناس سابت نجاح المسلسل والقصة وركزت على بدلة الرقص، أنا مش شايف إيه المشكلة، ما ده بيحصل عادي، والناس بتمشي على البحر بمايوهات عادي".

وأضاف المخرج هادي الباجوري: "إحنا شعب بيمشي بمايوهات على البحر وبنسقف للراقصات في الأفراح وبنعترض على بدلة رقص في مسلسل، الجمهور لا يرى حجم المجهود الذي يتم بذله في الأعمال الفنية، ويتفرغون للهجوم فقط، مش هغير نفسي عشان الجمهور ولا هقول معلش لحد وهما يتعالجوا أحسن، الجمهور ميقدرش يقيمني فنيًا، واللي يقيمني شخص في مجالي وفاهم، الناس بترغي كتير في مواضيع مش فاهمينها".

View this post on Instagram

A post shared by MBC Masr (@mbcmasrtv)

وعن تعاونه مع الفنانة الكبيرة شريهان في مسرحية "كوكو شانيل": قال الباجوري: "مسرحية كوكو شانيل مع شريهان مش هدر أعمل زيها تاني، وهي بتتعمل مرة في العمر".