حذرت الدكتورة نانسي ماهر خبيرة العلاقات الأسرية ومرحلة المراهقة من المباركة على الطلاق ومن الظن من أن الطلاق انطلاق كما يستنبط البعض من مسلسل البحث عن علا للفنانة هند صبري، وذلك وفقًا لما كتبت على صفحتها الشخصية على الفيس بوك.

وقالت نانسي ماهر: إن الكثير بدأ يتمنى حياة علا عبدالصبور، والحقيقة أن الجانب الذي جاء في 6 حلقات له أبعاد أكثر بكثير في الواقع؛ وذلك حتى لا يحب أحد هذه الحياة "ويجري على الطلاق وفاكرينه انطلاق".

حقيقة الطلاق

1- الست اللي بتتساب بتختلف كتير عن الست اللي بتسيب، غالبا تكون غير مقتنعة، خائفة وغير مستعدة وخصوصا لو فجأة مثل ما حصل.

2- الحياة لا تكون سهرًا ودلعًا ولبسًا وشياكة وناس cool متقبلينها ويشجعونها في كل مكان: "ستات كتير بتجيلي بتعاني من نظرة المجتمع وبُعد الأصحاب وتوتر العلاقات".

3- مباركة الطلاق كارثة وليس معنى أن الطلاق مخرج لمنظومة الجواز أنه هو الحل: "محدش يبارك على طلاق؛ لأنه ليس نهاية، ده بداية حياة جديدة ومختلفة".

اقرأ أيضًا..

هتكوني أكثر نضجًا عند الارتباط.. 7 فوائد للعنوسة

الأمور المادية

4- الأمور المادية عامل مهم قوي في الحياة، والمتطلبات المادية للزوجة وللولاد ليست قليلة وخصوصًا لو الزوج غير حقاني معهم.

5- أزواج كتير بتحور وتغير ورق وأهلهم بيساعدوهم علشان يتنصلوا من مسئولية الأولاد، فجو بقى أنا هشتغل اشترك في الباص أو أجيبلك maid ده مش دايمًا بيحصل .

6- العمل ليس دائما بهذه السهولة: "ياما عملت رحلات مع ستات كتير انهم يكتشفوا نفسهم من أول وجديد بعد سنين كتير في البيت أو بعيد عن سوق العمل والموضوع بياخد وقت علشان تكتشف نفسها من جديد".

7- الأصحاب الطاقّين مش دايمًا هم الحل بالعكس: "ياما أصحاب ضيعوا بعض بنصائح وإرشادات دمرت حياتهم".

8- الأولاد مش دايمًا بيتفهموا ودايمًا بيبقى معندهمش مشاكل أو ساكتين علشان ميزعلوش حد، ومش دايمًا الأب أو الأم بيعترفوا بمشاكلهم ويودوا لدكتور سوا ويساندوا بعض.

9- بالنسبة للست بالأخص، وليس شرط الرجال الذين يظهروا يكونوا مستعدين للارتباط ومرتاحين ماديا ، وينوون على جواز ومش شرط يبقوا كلهم سنجل أو أرامل أو مطلقين.

10- الأهل لا ينصدموا دائمًا من المناقشات ويوافقوا يسيبوا الست في حالها تعمل اللي هي عاوزاه من غير تحكم ولا تعديل، مش دايمًا بنعرف نتجاهل البواب ونكبس المدرسة ونتقبل بسهولة.

إياكم والاستسهال

وأنهت نانسي ماهر منشورها: "الفكرة في المسلسل دمج المشاكل ودمج الحلول لكن أرجوكم إوعوا يحبب الناس في الطلاق؛ لأن الواقع مختلف شويتين فاوعوا تفتكروا أن الطلاق انطلاق، بنحاول وبنعافر وبنصلح على قد ما نقدر وإياكم والاستسهال".