بنات

«محلول تخدير وسمارت ووتش».. حيل شيطانية من البنات لكشف الخيانة

الخميس 10/فبراير/2022 - 05:58 ص

آلاء أحمد

تستخدم الفتيات حيل عديدة لتتأكد من عدم خيانة الطرف الآخر لها، ولعل الأمر أصبح في منتهى السهولة الآن؛ بسبب تقدم الوسائل التكنولوجية الحديثة، ووجود بعض التطبيقات التي تُسهل من مراقبة الطرف الآخر.

ورصدت «هير نيوز» بعض حيل الفتيات لكشف خيانة الطرف الآخر لها وجاءت الإجابات كالتالي:

سمارت ووتش

ابتكرت نهى.ر 23 عاما، حيلة مبتكرة اعتمادا على التكنولوجيا، حيث قالت: "جبتله سمارت ووتش وربطت الـ GPS بالموبايل بتاعي وبقى كل ما يروح مكان أعرف هو فين".

محلول تخدير

أما سارة.ح 22 عاما، فقالت: "أنا في كلية صيدلة وفي محلول بيخدر نص تخديرة بحيث يمنع الشخص من الكذب ويخليه يقول الحقيقة على طول".

خلفية الواتس آب

ولكن نهاد.ك 20 عاما، لجأت إلى طريقة التفتيش ثم المواجهة، حيث قالت: "خليته مش واخد باله وفتحت موبايله لقيته بيكلم واحدة على الواتس آب، وبعدها حطيت صورته خلفية على الواتس آب بتاعي، ولما جه قولتله أنا حطيت صورتك خلفية على الواتس ما تعمل كده أنت كمان، ولما فتح الموبايل قولتله مين اللي أنت بتكلمها دي".

النظارة

أما بسنت.س، 19 عاما، فقد ساعدتها الصدفة في كشف خيانة خطيبها، وقالت "شوفت صورة ليه وكانت هي اللي مصوراه، ولما بعتلي الصورة غرفت من انعكاس وشها على نضارته".

أبليكشن

وقالت مارينا.س 20 عام: "حطيتله أبليكشن على الموبايل أعرف هو فين فقالي أنه رايح القهوة مع صحابه والأبليكشن جابلي أنه في دريم بارك فروحتله وظبطته هناك مع واحدة تانية".

رحت مكان صاحبتي

وقالت سالي.ف 25 عاما: "خليت صحبتي تكلموا بعشم أوي وعلى أساس تعرفو وفضلوا يتكلموا حوالي 4 أيام لحد ما اتفقوا يتقابلوا وبدل ما تروح هيا روحت أنا".

صورة على الفيسبوك

وشهد.ع 19 عاما: "حطيت صورته على جروب بنات على الفيسبوك وسألت مين يعرفه وطلع في بنات كتير تعرفه".

اللخبطة

ونيفين. أ 26 عاما: "كان بيكلمها في وقت متأخر وأسأله يقولي صاحبي، وبيكلمها الصبح بدري وأسأله يقولي بطلب فطار لحد ما كلمته بالليل وغلط في اسمي فعرفت أنه بيخوني".