غادة إبراهيم تصدم جمهورها: «جوزي خانني.. وبحب تضاريسي.. وفيفي عبده أفضل من ناس كتير عند ربنا»

كشفت الفنانة غادة إبراهيم عن عدة تفاصيل من حياتها الشخصية، موضحة أن فنانا كبيرا صديق زوجها طلبها للزواج قبل وبعد طلاقها من زوجها السابق قائلة: «كل الرجالة اللي بتخون، زوجاتهم زي القمر وشيك وأمهات حلوين أوي، ولما تسألي الراجل أنت بتخون ليه، يقول دناوة».

وقالت غادة إبراهيم خلال لقائها مع الإعلامية ياسمين الخطيب في برنامج "ونقول كمان": «أحيانا بيبقى الراجل ارتبط في مراهقته بالشغالة، فخلاص كده بتفضل ريحة الشغالة مسيطرة عليه يشوف شغالة عايزها علطول، حتى وهو متجوز هانم، ومعظم الرجالة اللي بتخون زوجاتهم بتكون زوجاتهم هوانم».

وعن سؤال الإعلامية ياسمين الخطيب «مين من الفنانين طلب يدك للزواج؟» ردت الفنانة غادة إبراهيم قائلة: «أعز صديق لزوجي، ومش هقول اسمه عشان كده هخرب بيت، ولكن هو صديقي وفنان صف أول».

وأضافت غادة إبراهيم: «هو شخص متزوج وبعد طلاقي علطول طلب إيدي، بس أنا لم أوافق لأنه صديق جوزي وثاني شيء هو متزوج أيضًا».

رومانسية غادة إبراهيم

وأضافت قائلة: "أنا برج العقرب مبعرفش أحب إلا بجد، وكنت رومانسية وحبيبة من القلب ومخلصة ومتفانية مع جوزي لكنه خاني مع واحدة مترهلة".

وتابعت: "بعد طلاقي اتقدملي واحد صاحب جوزي لأنه كان متجوز وصاحب بيت ومكنش ينفع ارتبط بيه لأن العلاقة ما بينا كانت شائكة".

وأكملت: "بعد الطلاق حاول طليقي يكلمني أكتر من مرة، وبيقول لأصحابي أنه محبش في حياته غيري وأنه مش هيتجوز بعدي تاني".

سجن غادة إبراهيم

وأردفت غادة إبراهيم: "دخلت السجن 20 يوما ومروا عليا وكأنهم 20 سنة، والقصة أنى كنت بقضى رأس السنة في بيروت زي كل سنة أنا وأختي والأولاد ورجعت يوم 3 يناير قالوا لي المستأجر اللى أخد منك الشقة قبضوا عليه امبارح، وهو كان بيأجر الشقة مفروشة لأجانب وعرب وبيأجر عربيات وأماكن سهر وعنده شركة رجال أعمال".

وتطرقت إلى الفنانة فيفي عبده قائلة: "فيفي عبده راقصة ولكنها أفضل مني وأفضل من ناس كتير عند ربنا، ولم تتركني أنا وعائلتي وكل عام بتزور الكعبة وتعمل عمرة وتشتري كفن، وتحرص على تغسيل وتكفين أي صديقة توفت بنفسها، ودا ثواب كبير جدا عند ربنا".

وعن حقيقة إجرائها عمليات تجميل قالت: «الجمهور بيحب تضاريسي ووزني، ولما بخس الجمهور بيزعل، ومحبيني بينصحوني إني أعود كما كنت».

غادة إبراهيم تحب تضاريسها

وأضافت: «أنا ليه مكونش غادة إبراهيم، أنا ست مثيرة وبقدر أعمل كوميدي واستعراض وغناء، ومش شبه حد، أنا بحب نفسي بحب تضاريسي وملامحي، عايزة أفضل زي ما أنا كده، لما بدخل أي مول وأكون خاسة الجمهور بيقولي إنتي خسيتي ليه إحنا عايزينك بطبوطة».

واستطردت: «أنا بطبوطة ومش عايزة أكون شبه حد وفي السينما مش زي أي أحد ومش شبه أي فنانة ولا في الشكل ولا الجسم، وعايزة أكون نفسي بشكلي ودلوقتي كل الممثلات شكل بعض».

وعن سؤال الإعلامية ياسمين الخطيب «عملتي عمليات تجميل؟» ردت «غادة» قائلة: «عملت عمليات تجميل طبعا، عملت شفط ونحت لجسمي، عشان لم بكون مخنوقة بعمل أكل وبحب الأكل كتير، وآخر عملية كانت السنة الماضية كانت عملية نحت».

اقرأ أيضًا..

بعد إطلاق كليب «فوضى».. كارول سماحه الأكثر بحثًا بسبب تصريحاتها عن الرحبانية وفيروز والشحرورة