بعد سقوط المتحرش.. كارولين عزمي للبنات: «واجهي متخافيش حقك هيجيلك»

أعلنت الفنانة كارولين عزمي، عبر حسابها على موقع الصور والفيديوهات "إنستجرام" القبض على المتحرش الذي تحدثت عنه من قبل وعن تحرشه بها أثناء قيادتها لسيارتها وصورته وقتها.

وكانت الفنانة كارولين عزمي نشرت على حسابها، وقالت: "مساء الخير، أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني سوشيال ميديا، باختصار النهاردة كنت في عربيتي وجنبي عربية فيها واحد كسر عليا، كل اللي عملتوا إني بصتله وبصيت قدامي فلقيته بيكرر نفس الحركة تاني باستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني".

وأضافت: "اتفاجأت وهو بيقولي بتصوريني يا بنت، ساعتها اتخضيت وبدأت أصور بجد وانتوا هتشوفوا في الفيديو الحركات اللي بإيده والشتايم، وبدأ يقولي تعالي ورايا والحقيقة إني مش عارفة أروح فين أو كان عايز يعمل إيه ولانى اتوترت وخوفت ساعتها مقدرتش أصور ١٪؜ من اللي عمله الشخص ده".

وتابعت كارولين عزمي: "أنا اتشمت واتهانت واتشمت بأهلي بأقذر الشتايم النهارده من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي".

وبالفعل تم القبض على المتحرش، مما دفع الفنانة كارولين أن تقوم بكتابة: "الحمد لله حقي رجعلي عايزة أشكر وزارة الداخلية والنيابة العامة على سرعة الاستجابة ووقفتهم".

وأضافت على حسابها بإنستجرام: "شكرا انكم مسكتو الشخص ده في نفس اليوم".

وكتبت كارولين رسالة موجهة للبنات قائلة: «أحب أقول لكل البنات أي موقف تتعرضيله اوعي تسكتي واجهي ومتخافيش وحقك هيجيلك احنا بلد فيها قانون».