«من غير اشمعنى».. نانسي ماهر تقدم الوصفة السحرية لتجاوز المشاكل المادية بدون طلاق

قالت الدكتورة نانسي ماهر، خبيرة العلاقات الأسرية ومرحلة المراهقة، إن المشاكل المادية في العلاقات الزوجية تعد على رأس المشكلات التي تؤدي للطلاق. 

وطرحت خبيرة العلاقات الأسرية حلولا يمكن من خلالها تحجيم هذه المشكلات والسيطرة عليها لتكوين بيت مترابط سليم، وأولها عدم نسيان المودة بينهم:" خلوا بالكو وسط كل الضغوط دي اوعوا تنسوا بعض، شفت حالات الزواج بيرغم زوجته تنزل تشتغل عشان يحافظوا على مستواهم رغم أنها صحيا مش قادرة".

وتابعت الدكتورة نانسي ماهر: "شفت زوجة بتهين زوجها لانه مش قادر علي مصاريفهم مقارنة بزوج اختها او بنت خالتها والجو ده، راعوا بعض وارحموا بعض لأن الرعاية والرحمة دي وصايا إلهية لما نخلي بالنا من بعض ونتخلى عن شوية حاجات عشان منضغطش بعض الحياة هتكون الطف كتير ".

وشددت خبيرة العلاقات الأسرية ومرحلة المراهقة على ضرورة الايمان بمبدأ الـ compromise وأن كلا الطرفان يقربان من بعضهما بدلا من الابتعاد، فالكثير بدأ في الخناق ، والكثير عانى من الاكتئاب المرضي الذي وصل بالبعض للحد الذي أوصل بعضهم لمشكلة في القدرة الجنسية "من كتر ما هو مخنوق ماديا ومش متقدر".

ولفتت إلى أن المشاكل المادية تعد ثاني أكبر سبب للمشاكل الزوجية بعد الجنس.

كما أشارت بأسف إلى الأولاد وتأثرهم بأكثر من عامل مثل المقارنة بأصحابهم ومستوى المتطلبات التي تفرضها المدارس، موضحة أن ذلك هو وقت غرس مبدأين مهمين فيهم.

اقرأ أيضًا..

متخصصة بالعلاقات الأسرية تكشف أخطر رسائل فيلم «أصحاب ولا أعز»

أولهما: اوعي تقول اشمعنا

"يعني مهم جدا انك متبصش للي في ايد غيرك ونحاول نفهمهم إمكانياتنا المادية ونحسسهم بالمسئولية ".

ثانيهما: خليك معانا في الواقع اللي احنا عايشينه

وهو ما يبني الولاد ويساعدهم يبقوا رجالة مسئولين وناضجين،  طبعا ده مش بيكون سهل بس لما نتكلم معاهم بصراحة ونشاركهم معانا باقتراحات وافكار صدقوني هم ساعات كتير بيدونا clues نعمل ايه وبيطلعوا جدعان وبيستحملوا وبيشيلوا،  طيعا من غير ما نكئبهم ونشيلهم الهم احنا دايما لازم نتناول الأفكار بشكل إيجابي علشان مش يكتئبوا مننا".