أخبارها سوشيال ميديا.. العاصفة «هبة» تُثير سخرية البنات.. وسيدة: «مش بتحسّن بعد الطلاق»

وعلى منشور تحذير من العاصفة "هبة"، بدأت البنات في السخرية وإرسال الصور المضحكة والكوميدية على اسم العاصفة الجديدة، وبشكل خاص الفتيات اللواتي أسمائهن على اسم العاصفة "هبة".

وعلقت داليا ساخرة: «ومين سماها هبة ليه مش داليا»، وأيضا عفاف قالت: «كلها هبات من الله لا يعلم مجراها إلا هو ممكن تكون خير ونحن لا نعلم ما يأتى من عند الله فهو خير ماتزعلوش جايه فى ميعادها».

وعلقت دينا: «الله ارحم بشعب مصر من هبة إن شاء الله وستنقضي وتمر هبة بكل خير على شعب مصر العظيم ويكون بألف خير».

بينما قالت هبة ساخرة: «مش هرحمكم أنا في العواصف والثلوج ماعنديش يامة ارحميني هنيمكم من الظهر».

وعلقت شروق: «صعب أوي بجد بحس إن قلبى هيقف من البرد بجد ربنا يسترها ويعديها على خير وينزل دفئه على عباده والفقراء ومن لا مأوى له».

وقالت هبة أيضًا: «هبة من الله وإن شاء الله تمر ولا تضر»، كما علقت دينا: «هبة وعاملة كده أمال لو لعنة هتبقى عاملة ازاي».

ومن ناحية أخرى، طرحت إحدى النساء في الجروبات الخاصة، مشكلة عن عدم قدرتها على التعامل مع خيبة الأمل التي تعرضت لها بعد أن قرر زوجها أن يطلقها بسبب امرأة أخرى في حياته، وقالت في منشور: «هو لما جوزك يقرر الطلاق بسبب واحدة وبالفعل بقالنا 8 شهور بس أنا مش بتحسن خالص مع العلم متجوزة من سنتين ومعايا بنت».

وعلقت سارة قائلة: «يغور في داهيه اللي باعك بعيه فوقي لنفسك اشتغلي اتفسحي وخلي بالك من بنتك وهو لما يشوفك بقيتي ناجحة وكويسة هيضرب نفسه بالجزمه انه سابك».

بينما قالت سناء: «بصى فى مثل بيقول من حبنا حبناه وصار متاعنا متاعه ومن كرهنا كرهناه ويحرم علينا اجتماعه ازعلى من حقك تزعلى على نفسك بس ما تطوليش فى الزعل فوقى كده وامسحي دمعتك بايدك وارمي الكلب ده. ورا ظهرك وابتدى عيشى حياتك اشتغلي أى حاجه واهتمى بنفسك».

وعلقت سمر: «ليه بتحبيه مثلا؟ حبيبتي عندك بنت أبوها طلع واطي وأنتِ دلوقتي كل حياتها اجمدي كده واقفي علي رجلك ووري بنتك إنك أم بـ 100 راجل انتي معاكي نعمة كبيرة جدا جوزك مقدرهاش قدريها انتي وجزائك كبير عند ربنا».

بينما قالت يارا: «عادى جداً فى داهية تدوسى عليه بجذمتك وتعدى وتبدأي صفحة جديدة مع نفسك وحياة تانية لأنها عمرها ما بتقف على حد، وربنا هيبعتلك لحد عندك تفسير حكمته فى يوم من الأيام لدرجة انك مش هتبقى عارفة تشكرى ربنا ازاى يومها انه نجاكى منه».