أخبارها سوشيال ميديا.. مقاطع «قلب الأم» تُثير ضجة على الفيس بين انتقاد وإعجاب.. والحوامل: «نفسي في ولد»

تتداول النساء منشورات متعددة على موقع التواصل الاجتماعي "فيس بوك" بشكل يومي، حيث أصبحت تلك المنصة هي كل ما يشغل بال النساء والبنات ويستمتعون بقضاء أوقاتهن عليه.

ومن ضمن الموضوعات التي أثارت ضجة وأصبحت تريند على موقع "فيس بوك" اليوم، هو مقاطع فيديو عرفت بـ «قلب الأم» والتي تظهر فيها أم جديدة لمولودة مازالت في مرحلة الرضاعة وهي تدلل طفلتها بطريقة معينة لاقت إعجاب البعض وغضب الكثيرون وسخريتهم.

وتدلل تلك المرأة طفلتها وتتحدث معها بطريقة طفولية ولغة عربية غير سليمة، وانتشرت تلك المقاطع للأم الجديد مع طفلتها التي تلقبها بـ «قلب الأم»، وكانت التعليقات كالآتي: 

قالت إسراء: «ايوة إية الحلو في فقع المرارة ده يا ستي دلعي بنتك براحتك محدش عنده اعتراض تطلعي لية تفقعي مرارة ابونا ما تلعبي بنتك بعيد عننا»

وعلقت سارة قائلة: «محدش عنده مشكلة أبدًا في طريقة كلامك وحبك لبنتك ودلعك ليها الفكره بقى ايه تفاصيل دي اللي المفروض بتكون حاجة خاصة بينك وبين بنتك ليه تنزل على سوشيال ميديا إلا وأنتي حابه ده جدًا يبقى طبيعي تسمعي وتشوفي آراء تتفق وتختلف معاكي».

وقالت آية في تعليق آخر: «محدش هيفهم اللي هي بتعمله دا غير اللي جرب وبقى أم فمحدش يضايقها لأن دا إحساس ومشاعر أمومة ربنا يحفظهم».

وعلقت كوكي: «ما كلنا بنكلم عيالنا كدا وبندلعهم بس مش بنصور وننزل على الملأ ونضحك الناس علينا يعني بنعبط بينا وبين نفسنا بس مش بننشر عبطنا للبشر».

وفي نقاش آخر طرحت النساء على الجروبات، كانت امرأة تطلب من الأخريات الدعاء لها بأن تكون حاملاً في ولد، لأنها تتمنى ذلك ولكن الطبيبة قالت لها إنها فتاة ولذلك هي تتمنى أن تكون مخطئة، مما دفع النساء تنتقد تفكيرها وتطلب منها أن ترضا بما أراده الله لها.

وقالت في منشورها: «نفسي ومنى عيني في ولد كنت عند الدكتورة قالتلي احتمال يكون بنت عندي أمل تكون غلطانه، ادعولي ونبي ولكم بالمثل كل اللي نفسها في الحاجة تنولها».

وعلقت سما على المنشور وقالت: «هو ربنا يحققلك اللي بتتمنيه يارب .. بس احمدي ربنا دي نعمة كبيرة في ناس حقيقي بتتمنى ضوفر عيل سواء ولد أو بنت والبنات أحن وأرق كتير من الولاد فهي اللي هتكون سندك ومعاكي فتعبك وفأي حاجه هي اللي هتشيلك أهم حاجه ادعي إنها تنزل كويسة وبصحة كويسة أهم من أي شيء بقا سواء ولد ولا بنت».

وقالت نرمين: «ربنا يكرمك بس ميكونش الولد على حساب البنت وتعامليهم نفس المعاملة مش تربيها إنها أقل منه أو تدلعيه أكتر منها مجرد تذكرة مش أكتر».

وعلقت بسمة: «أنا مش فاهمة اللي بيقولها احمدي ربنا لزمة ايه الكلام ده هي نفسها فولد يا جماعة ايه المشكلة!؟؟ فادعوا معاها وخلاص ياتسكتوا، ممكن يكون عندها بنت وعايزه ولد ايه المشكلة ما الي عندها ولد نفسها في بنت مش لازم التنظير ده بجد!».