قالت الدكتورة نانسي ماهر أخصائية العلاقات الأسرية ومرحلة المراهقة: إن أسباب إثارة فيلم "أصحاب ولا أعز" هذه الضجة الكبيرة على السوشيال ميديا تعود لما يحمله الفيلم من أفكار مليئة بالتحرر والخروج عن ثقافة ومبادئ الكثيرين، وذلك خلال منشور كتبته عبر صفحتها الشخصية على الفيس بوك.

وأشارت ماهر إلى أخطر ما يحمله الفيلم وهو كونه مطروحًا لـ سن 16 سنة، لافتة إلى أخذ فكرة الفيلم من أفلام أخرى: "زي الفيلم الفرنسي LE Jeu (Nothing to hide) المأخوذ من الفيلم الإيطالي (the perfect strangers) وأعتقد في أفلام تانية نفس القصة".

وأوضحت أخصائية العلاقات الأسرية مغزى الفيلم والمتمثل في ما تحمله الموبايلات من كوارث: "وإن غالبا كل شخص بيبقى عنده secret world وإن لو اتشاف كل حاجة هتتدمر، المغزى إن ربنا ساتر على ناس كتير وإن لو الستر ده اتكشف ممكن كل حاجة تضيع في ثانيه".

1.   يوضح أن الخيانة غالبا هي العرف السائد بين الأصحاب، وأن آخر الفيلم ما زال كل واحد على حاله.

2.   أن كل شخص عنده عدم رضا عن حياته رغم أن كل واحد منهم يتمتع بنعم غير الثاني، لكن كل شخص ينظر لما  في يد غيره، وهذه من أكبر الأسباب التي يمكن أن تؤذي الصداقات المقربة.

3.  التحرر في إن بنتًا صغيرة ومراهقة يكون لها boy friend ويحصل بينهما علاقة: "ملوش أي معنى غير إنه يوصل لأولادنا إننا هنبدأ نتاجر لثقافة الغرب.. والغرب نفسه فهم خطأه وبدأ من سنين يقاومها واحنا نستجيب ليها وربنا يرحمنا _ده ميمنعش حقيقة إن في مجتمعات كتير في الشرق بتتمثل بالأفكار دي ظنا منها إن دي وسيله للتحرر والتمدن".

4.  الشذوذ الجنسي لا يصح التعامل معه بفكرة القبول غير المشروط للآخر: "إحنا عندنا بيوت باظت وشباب اتدمر أو انتحر بسبب اضطراب الهوية الجنسية، ففكرة إننا نطرح الفكرة ونرجع نتألم علشانها في جزء إنه كويس التأكيد إنه مش سلوك طبيعي بس التيارات اللي بتدعو لقبول الآخر بين الشباب مهم قوي إنها تتقنن وتتوضح في إطار مرجعية دينيه أهم حاجة".

 

5.  الإدمان سواء الشرب أو المواقع الإباحية أو الهروب من الواقع بأي طريقة ترك من غير حل وبالعكس: "اتبرر إن زوجة مش سعيدة بدل ما يوصل أي رساله تقول يبقى في حوار نتناقش، لا كل الرسائل مشيت في طريق يا خيانة يا شرب يا رمي كلام مؤذ للزوج تحت تأثير الشرب".

6.  الاحتفاظ بالأسرار ممكن يوصل لكوارث في الزواج والهروب من المواجهة واستحلال الخطأ كل هذه طرق تؤذي جدا علاقاتنا بشكل فج.

7.   الاستخفاف بالخيانة: "والزوجة اللي بتقولك عادي لما يبقى فيه تشات جنسي مع حد متعرفهوش اسمها تسلية".

 وأنهت أخصائية العلاقات الأسرية: "وأخيرا ياريت نفهم إيه الثقافات اللي بتتسرب للولاد والبنات، اللي فاكر إن ده تحرر، ده تحرر من أي مرجعية فمترجعش تزعل لو لا قدر الله لقيت حد من ولادك في إحدى القصص دي، واللي فاكر إن الولاد مش بتتأثر أقولك الرسائل بتتسرسب للولاد وبتشكل أفكارهم ومعتقداتهم بشكل سطحي وأنا بسمع منهم كتير، واللي فاكر إننا cool ولازم نتماشى مع العصر هنفضل نتماشى لغايه ما ميبقاش عندنا إحنا شكل لهويتنا أساسًا".