احذري ممن تصطاد في الماء العكر.. وهذه صفاتها

طرحت الدكتورة نانسي ماهر أخصائية العلاقات الأسرية ومرحلة المراهقة؛ 10 صفات للشخص الذي يصطاد في الماء العكر؛ على حد وصفها، وذلك لأخذ الحذر والحيطة منه.

وعرفته في منشورها الخاص على صفحتها الرسمية على الفيس بوك بأنه؛ "أي شخصية بتعرف تستغل مشاكل الناس أو أزماتهم علشان تستفيد بفرصة أو تبوظ علاقة".

صفات هذه الشخصية

أنانية

وأوضحت "ماهر" أن صاحبة هذه الشخصية تكون محبة لذاتها وفقط: "اللي بيفكر يوقع بين الناس غالبا بيبقى مش بيفكر غير في نفسه، بيلاقى راحته في المشاكل فبيفضل يخلق خصومات علشان هو يرتاح أو يستفيد".

مصلحجية opportunist

وبينت أنها تسعى خلف ما يحقق مصلحتها فقط: "كتير منهم بيدور على مصلحته هو طول الوقت وباختلاف المصالح بيختلف رد الفعل".

زارعة خصومات

وأشارت إلى براعتها في زراعة الخصومات: "بيعرف كويس قوي يخلق مشاكل من لا شيء ولو لقى مشكله بيكبرها ويزودها ويبوظ الدنيا أكتر".

متلاعبة

فتجديها متلاعبة سواء بالمشاعر أو  بالمواقف أو بالتفاصيل:"تطوع كل حاجة لمصلحتها هي بس".

حادة الذكاء أو متذاكية

ووصفته ماهر بأنه :"يا بيكون  فاهم بجد يا بيعتمد على طيبه الآخرين وثقتهم فيه فبيعتقد أنه أذكى من اللي حواليه".

ضعيفة

وذلك الضعف متمثل في إيمانه وثقته في نفسه، وبالتالي يكون دائما مهزوزا وضعيفا.

محل ثقة

ولفتت أخصائية العلاقات الأسرية إلى أن :"ناس كتير منهم بتكون في دائرتك القريبة، وتلعب كتير قوي انها تكسب ثقتك لغايه ما تتأكد ان صوتها مسموع عنك وأنك واثق في رأيها فتبدأ يبس سمع ".

حقودة

"الغضب الأسود داخلها تجاه أي شخص عنده حاجة زياده عنها ، بتحاول تبقى احسن علشان غالبا حاسه بالنقص فبتكسر اللي حواليها".

مشورتها مدمره

"كتير من كتر ما تبقى قريبة وعارفه نقاط ضعفك ودارسها كويس  

بتعرف كويس قوي توجه الأمور ناحية الشر والمشاكل ".

نار آكلة

السلام للخير للصلح، لأي شيء كويس: "للاسف لو انت قريب منك شخص من النوعية دي ادعي ربنا كتير يرحمك، ولو مش باين خلي بالك ، ركزي في مشورات المحيطين ، متسمعيش اي نصيحة مترتحيش ليها ، وفكري كويس مش أي أسرار تتقال".