ظهرت بعض المشاكل والأفكار التي تواجهه النساء سواء متزوجات أم لا على موقع التواصل الاجتماعي "فيس بوك" اليوم، وكان أغلبها يخص الرجال وفكرة الزواج والخيانة.

وطرحت إحدى الفتيات سؤال لمن لديهن خبرة، وقالت: «تعليم ولا جواز!»، وذلك حتى تجد من يساعدها في اتخاذ قرار الزواج أم تكملة تعليمها في البداية.

وكانت التعليقات كالآتي..

علقت سهيلة ساخرة: «الى يجيب فلوس هه .. الاتنين هه تعليم طبعا عشان لما تتطلقى تعرفى تشتغلى».

وقالت بسنت: «ملهمش علاقة ببعض و مينفعش يتقارنوا الاجابه الاتنين تتجوزى و تكملى تعليم و الى معاكى يساعدك على كدا .. يا تستنى تخلصى بعدين تتجوزى .. تعليمك دا حياتك و كيانك و مستقبلك الى بجوزك او من غيره هيفيدك ف تعليم اولادك و تربيه سليمه و حتى ف قراراتك».

وعلقت إيمان قائلة: «دا شئ ودا شئ والاتنين مطلوبين جواز من غير تعليم مش هتقدري تساعدي ولادك في المستقبل، تعليم من غير جواز حياتك ديما هتكون ناقصه جوانب كتير هتتحرمي من كونك زوجه ومن كونك كأم وانسانه مسئوله، كل جوانب الحياه لتكمل بعضها مففوض نستفاد منها كلها إلا إذا كان القضاء غير ذلك».

وقالت وفاء: «بصراحة عن تجربتي أنا شخصيا الاتنين بيكملو بعض بمعني ممكن تكوني تعليمك علي قدك بس ربنا يكرمك بواحد يعلمك أكتر بكتير من واحده متعلمه وممكن تكون مثقفه ومتعلمه، وتتعبي من الوحده وإنك بنوته ومحتاجه حد يدلعلك ويحسسك بأنوثتك محتاجه تكوني أمًّا لطفل محتاجه دفا وسند الاتنين بيكملو بعض وطبعا ربنا عمره ما يجيب حاجه وحشه كل حاجة بترتيب ربنا ناجحة ومريحة ادعوا بالخير دايماً».

ونشرت إحدى النساء المتزوجات في جروب آخر على فيس بوك، تتسائل عن خيانة زوجها، وقالت في منشورها: «لو سمحت جوزي بيخوني ومش عارفة أعمل إيه؟ كلمتها وعملتلي بلوك، وأنا اتخنقت ومش عارفة أعمل إيه»

علقت هدى قائلة: «كبري ولا اكنك عرفه وعيشي وانبسطي اغلب الرجاله كده».

وقالت منى: «واجهيه ولو لقتيه بطل يكلمها اديله فرصة تانية لو لقيتي مفيش فايدة اطلقي واكسبي نفسك».

وعلقت مها: «وتكلميها ليه وتقللي من نفسك العيب مش عليها ودي هتروح ويجي غيرها دا طبع اغلب الذكور، كدة انتي حرقتي كارت خوفه منك هيقولك اه انا بعمل وبسوى اعلا ماف خيلك اركبيه، نفضي له بقي خالص ومتدخليش معاه في مواجهه».

وقالت هاجر: «طب وانتي كلمتيها ليه هي لو قطعت علاقتها معاه هيروح يعرف غيرها عادي».

وعلقت هبة: «وهي مالها العيب على الراجل اللي يخصك هي ممكن تسيبه تمام وبردو يروح لغيرها، المشكله تخصه هو متقليش من نفسك من واحده تاني لان هو مش بيبي صغير».

وقالت إسراء: «طربقيها على دماغ اهله عشان يعرف ان الله حق، ربنا ينتقم من كل واحدة تبص لراجل متجوز وتخرب بيت ست لا حول لها ولا قوه».