أوضح المنتج وليد المنصور السر الحقيقي وراء حذف أغنية روبي الأخيرة "الهشك بشك"، والتي قامت بطرحها خلال الأيام الماضية، وقامت إدارة موقع الفيديوهات "اليوتيوب" بحذفها.

وقال وليد منصور خلال اتصال هاتفي مع الإعلامي صبحي عطري والإعلامية بسنت شمس في برنامج MBCTrending : "أنا كشركة إنتاج أي أغنية بتعجبني بشتريها ليا كشركة، وبعد كده بحدد الفنان اللي هينتجها له، لما كنا شغالين على الميني ألبوم للنجمة روبي كان من ضمن الأغاني اللي اخترتها الأغنية دي،  لكن لما العقد بتاعنا خلص ووقفنا، هي خدت باقي الأغاني، وأنا خدت الأغنية دي وقلت هعملها مع نجم تاني".

وأضاف: "الأغنية فضلت معانا 7 أو 8 شهور لأن المصنفات طلبت كذا تعديل، وفي الآخر وصلنا لشكل وبلغنا الملحن محمد يحيى، وعدلنا ورحنا فرنسا وصورناها".

وأوضح:" فوجئت إن الجايد القديم من الأغنية نازل بصوت روبي، وفي ساعتها بلغنا يوتيوب واتقفلت بعد تلت ساعة؛ لأن ده حصل بعد ما نزلنا دعاية بنقول إن الأغنية اسمها في (في ال لا لا)، (هشك بشك) مش اسم الأغنية ده جزء من كلامها".

وأنهى حديثه: "في شركة اسمها إم برودكشن نزلت جزء من الأغنية واضح إنه غير رسمي، من غير ميكس ولا ماستر ولا حتى روبي بتغني غنا نهائي، وبصور قديمة".

اقرأ أيضًا..

«مصالح شخصية».. الأسباب الحقيقة وراء استبعاد فيلم سعاد من الأوسكار| مستندات