حذرت خبيرة العلاقات الأسرية ومرحلة المراهقة الدكتورة نانسي ماهر، من الأخذ بالأفكار المقدمة في مسلسل "قواعد الطلاق الـ45"؛ إذ إن كل رسائلها لا تحمل الصفة الإيجابية وتحتاج إلى دراسة.

وأشارت إلى أن المسلسل تم نقل فكرته من المسلسل الأجنبي "Girl Freinds; Guide to divorce”، موضحة أنه ينقل واقع قطاع معين من الناس ولا ينطبق بنفس الأسلوب على قطاعات كثيرة في مجتمعنا. 

كما كشفت عددًا من النقاط المهمة التي ناقشها المسلسل، وهي كالآتي..

الزوجة صاحبة اليد العليا

أكدت خبيرة العلاقات الأسرية ومرحلة المراهقة الدكتورة نانسي ماهر أن من أكبر أسباب النزاعات والمشاكل الأسرية، أن تكون الزوجة صاحبة اليد العليا في الأسرة سواء ماديًّا أو معنويًّا، وأوضحت: "في المسلسل البطلة هي زوجة وافقت تدعم زوجها يسيب شغله على أمل أنه يكتشف الـpassion بتاعه بشكل مش مخطط له من غير ما يكون مأمن أسرته وبيعرض حياته وحياة أسرته للخطر؛ لأنها بتشيل هي الأعباء الكبرى ومع الوقت هو مش بيحسسها بقيمة الدور مع مفاهيم كتير مشوهة عن علاقتهم".

الأبناء ونزاعات الوالدين

ولفتت إلى مقدار تأثر الأبناء سواء بالنزاعات الأسرية أو بالطلاق؛ لذا من المهم أن نعرف كيف نتعامل معهم ونفهمهم؛ لأنهم أصبحوا على دراية أكثر منا بكثير.

الباب الموارب 

كما أكدت خبيرة العلاقات الأسرية ومرحلة المراهقة الدكتورة نانسي ماهر، أن الباب الموارب لأي علاقة لأي من الزوجين، هو طريق خطر جدًّا: "فكرة ان طرف يستجيب لحد بيلمح أو بيعاكس أو كده دي مهدد رهيب لاستمرار البيت".

مرحلة التعافي بعد الطلاق

وسلطت خبيرة العلاقات الأسرية ومرحلة المراهقة الدكتورة نانسي ماهر الضوء على أهمية أن يمر الرجل والمرأة بمرحلة التعافي بعد الطلاق، وأوضحت: "مش أي حد ينفصل الحل انه يجري يدور على علاقة أو يحاول يرتبط بأي حد من أي مكان وكأنه (وده اللي وصفه المسلسل) بينتقم من التاني أو بيثبت لنفسه انه يقدر يعيش".

منفصلون ولكن..

كما ألمحت إلى الكثير من العلاقات القائمة علي المنفعة: "بيوت كتير الزوجين بيبقوا منفصلين بس بينهم deal انهم يستفيدوا من مزايا الجواز لكن بدون علاقة حقيقية وطبعًا ده بينتهي بجوازة هشة وفتح باب كبير للخطر والانهيار".

الشخصية المتحكمة

وبينت أن الشخصية المتحكمة هي شخصية صعبة ومهما ظهرت قوية يأتي وقت وتشعر بضعفها: "وخصوصًا لو الست بتتعب فعلا لو واخدة أدوار مش أدوارها.. بس الخطر بقى انها تستسلم للضعف ده وتختار اختيارات تضيعها وتعتقد انها كده متكيفة أو سعيدة".

تأثير الأصدقاء

وأظهرت  مقدار تأثير الأصدقاء علي حياة وقرارات أناس كثر: "علشان كده مهم قبل ما نختار أي حد ونفتح حياتنا على البحري لأي حد ممكن يأثر علينا وعلى أولادنا اننا نفهم كويس تأثير الأصدقاء على حياتنا وقراراتنا".

تحكم السوشيال ميديا 

كما حذرت من السوشيال ميديا والتي جعلت حياة أناس كثر كالجحيم: "وفكرة الناس اللي بيخلوا السوشيال ميديا تتحكم في كل تفاصيل حياتهم بتتعبهم جدًّا هم وكل اللي حواليهم اهتمام ناس بالمنظر الاجتماعي على حساب البيت بقى خطر رهيب بيدمر الدنيا في حالات كتير".

العلاقة الـ Rebound  

كما بينت أن العلاقة الأولي بعد الطلاق أو وقت الانفصال غالبًا تكون rebound

وأنهت كلامها: "الثقافة اللي بينشرها المسلسل ثقافة فيها بُعد انفتاحي بشكل كبير مش بينطبق بنفس الاسلوب علي طبقات كتير من مجتمعنا وده ممكن يخلي ناس كتير تنظر للمرأة بعد الطلاق نظرة غير واقعية وفيها بعض مشاعر عدم الاحترام، وفي نفس الوقت بتدي مفاهيم للمتجوزين فيها استخفاف بكتير من مشاعر الجواز".

"العلاقات الهشة بقت عنوان مجتمعات كتير لما نغذي الفكرة دي بالنوعية دي من القصص لازم نكون فاهمين أبعاد اللي بنوريه لأولادنا علشان منرجعش نتعب في اللي واصلهم من الصورة اللي بتتصدر ليهم".

اقرأ أيضًا..

«حافظوا على صورة بعض».. تربية الأطفال بشكل سليم بعد انفصال الأبوين