ولكن كيف يمكنك اكتشاف أن الرجل الذي تودين الزواج منه شخص بخيل؟ كان ذلك هو السؤال الأكثر تداولا بين الفتيات على مواقع التواصل الاجتماعي؛ حيث تطلب البنات أن تعرف من خبرة صديقاتها العلامات التي تدل على بخل الرجل.

وقد نشرت فريدة على إحدى جروبات البنات بموقع "فيسبوك"، سؤالًا حول كيفية اكتشاف بخل خطيبها، وقالت: «إزاي أعرف إن كان خطيبي بخيل ولا لأ، إحنا مش من الناس اللي بتخرج في الخطوبات وكده فأنا ببقى في البيت وهو بييجي، إزاي أقدر أختبر حاجة زي دي؟!».

وجاءت التعليقات من خبرات البنات الأخريات، تشمل تعليق نورا التي قالت: "بيبان لما بيجلك زيارة بيدخل بايده فاضية ولا بيجيب حاجه من الزوق حتي لو بسيطة؟

والأعياد والمناسبات زي عيد ميلادك أو المواسم اللي هي العيد الكبير والصغير والحاجات دي وبتختلف من بلد لـ بلد شوفي اللي ماشي في عيلتك وبلدك إيه، ولازم يعني تستني كذا موقف لأن في شباب مش بتركز أوي في الحاجات دي والمفروض أهله يكونوا مفهمينه. 

أخيرا بقى متسمعيش كلام اللي يقولك ظروف الشباب والكلام دا لأن اللي عايز يجيب هيجيب حتى لو حاجة بسيطة وانتي أكتر وحده هتكوني عارفة ظروف خطيبك وعشان لو طلع بخيل ونتن محدش غيرك هيلبس".

بينما قالت مريم في تعليق آخر: «هو مش شرط تختبريه لأن أصلًا ظروف الشباب دلوقتي معقدة شوية بس انتي أكيد هتحسي، يعني مثلا في المناسبات أو تلاقيه مهتم بنفسه ده أكيد مش بيبخل على نفسه فمش هيبخل عليكي، أو تلاقيه مش بيتكلم بالفلوس يعني مثلا مش كل شوية يقولك ده أنا جايب كذا بـ كذا أو ده أنا دافع كذا وكذا، وخلي بالك البخيل بيبقي بخيل في كل حاجة مش بس فلوس لا في كلامه وفي مشاعره واهتمامه بيكي».

وعلقت داليا قائلة: «حتى لو مش بخيل ماديًّا هو بخيل ذوق، الواحد لما بيدخل زيارة عند حد لازم يدخل في ايده حاجة حتى لو بسيطة الذوق بيقول كدا».

الانفصال بسبب «الإكس».. فتيات يدفعن ثمن الانتقام والفراغ العاطفي

 

لو بتختاري «فارس أحلامك».. 5 مؤشرات تؤكد لكِ الشخص المناسب