رامي صبري وويجز .. خلافات يتبعها اعتذار «اعرف الحكاية»

وجه مطرب الراب ويجز رسالة إلى الفنان رامي صبري، وذلك بعد أن انتقده الأخير في أحد التصريحات مؤخرًا، وقال عنه: "ويجز مبيقولش حاجة بس ممكن أسمعه لأن المزيكا بتاعته ممكن أسمعها.. أنا دارس موسيقى عشان كدا شايف إن المهرجانات مزعجة كلها وش فى المزيكا والكلمات".

ليأتي بعدها رد ويجز من خلال الاستوري على حسابه بموقع تبادل الصور والفيديوهات "إنستجرام"، قائلًا: "هو الفنانين ما ينفعش يطلعوا في البرامج يتكلموا عن نفسهم، لازم اسمي يتحط في جملة؟ متبص في ورقتك".

وتبع ويجز ذلك، بفيديو لايف على حسابه قال فيه: "ياريت تقولي فين الأغنية المقلدة؟ لأنك كنت محدد وأنت بتقول كدا وأصلا الأغاني كلها شبه بعض، أنا بكتب الأغاني وبلحنها بنفسي، أنا مكنتش حابب أتكلم أصلا بس تفرق معايا عشان أنت تعني ليا شيء.. والكلام مضايقني أنه طالع منك لأن المفروض أنت شخص فاهم ومختص".

وأضاف خلال الفيديو: "مش المفروض نقول حاجة فى الأغاني، أنت راجل موسيقي وأنا راجل موسيقي مش حاسس إني عاوز أقول حاجة في أغاني لي مش المفروض أقولك جدول الضرب في أغنية، أنت راجل فى حتة كبيرة، وتحاسب قبل ما تتكلم عليا، مكنتش حابب اتكلم بس علشان أنت شخص تهمني فخرجت أوضح لك".

ولكن خرج الفنان رامي صبري ليرد على ما قاله ويجز خلال الاستوري والفيديو، ونشر أيضًا منشور على خاصية الاستوري بحسابه في موقع "إنستجرام" قال فيه: "یا ويجز یا حبيبي أنا قلت أنا بسمعك وبحب شغلك ولكن مش بفهم الكلام.. وده ميقللش من شغلك بالعكس أنت شاطر جدا ومجتهد وناس كتير بتحب شغلك.. ما تفهمش كلامي غلط".

اقرأ أيضًا..

حمو بيكا لـ هاني شاكر: «أنت وعيالك بتسمعوني فعايزني أغني برا مصر ليه؟!»