حالة من الجدل أثيرت منذ مساء أمس الاثنين، حول مدير الإعلام المرئي والمسموع بمهرجان القاهرة السينمائي الدولي، نيفين الزهيري، بعد أن تصدر أحد المواقع الإخبارية حملة ضدها بعنوان "عشوائية مهرجان القاهرة تحت إدارة نيفين الزهيري".

ووجهت لـ"الزهيري" اتهامات بأنها حولت السجادة الحمراء بمهرجان القاهرة خلال دورته الـ43، والتي اختتمت فاعليتها أول أمس الأحد، بدار الأوبرا المصرية، إلى ساحة شعبية لالتقاط الصور مقابل الحصول على 5 جنيهات للصورة.

حملة تشويه 

وهو ما اعترض عليه الكثيرون من العاملين في مجال الفن والإعلام، مؤكدين أن ما اتخذه الموقع ضدها ما هو إلا حملة للتشويه المتعمد.

وعلق المنتج محمد العدل على ما تم تناقله ضد "الزهيري"، قائلًا: "نيڤين الزهيري، شكرًا على ما قدمتيه طوال أيام المهرجان وشكرًا على الجهد الوافر، لا تلتفتي للصغائر والصغار، ما يحز في النفس أن من تطاول عليكي هو صحفي زميل لك.. واستخدم منبر إعلامي للإنتقام في خلاف غالبًا شخصي، وفي صياغته تنمر وتطاول على القادمين من الأحياء الشعبية.. وأشهد أن إدارتك للسجادة الحمراء كانت احترافية.. ابن حي شبرا وأفتخر".

رامي متولي

فيما علق الناقد رامي متولي، مشيدًا بعمله مع نيفين الزهيري خلال السنوات الماضية، وذلك عبر حسابه بموقع "فيسبوك" قائلًا:

"المكتوب في جريدة ما عن الزميلة نيفين الزهيري لا يسيء لها.. ده في الحقيقة بيسيء لهم  وبيسيء للصحافة بشكل عام، غير منطقي أنه يبقى في صحفيين يقرروا استخدام منبر إعلامي لتشويه زميل صحفي تاني.. ده عبث، وأن التشويه ده كمان يقلب باحتقار للاحياء الشعبية اللي أكيد كتاب الخبر أو قرايبهم او اصدقائهم لازم يكونوا ساكنين فيها ده عدم توفيق، لو حصل خلاف كان في طرق كتير يتحل بيها غير استغلال منبر إعلامي كبير بحجم الوطن للانتقام الطفولي بالشكل ده، من الناحية التانية نيفين من أكتر الناس المريحة في الشغل معاها دايمًا بتحل المشاكل اللي بتواجهنا بشكل يومي في المهرجان أو بتوجه للحل وده مش السنة دي بس لكن السنين اللي فاتت كمان".

صبري فواز

وقال الفنان صبري فواز عنها: "نيفين الزهيري، شطارة وذوق ومهنية واحترام وإخلاص .. وبشاشة، من النوادر اللي بيعملوا شغل كتير ويشيلوا مسئوليات ضخمة، ويأدوها بمنتهى الإخلاص .. وعمرهم ما يقولوا احنا بنعمل واحنا بنخلي.. ولا حتى يبان في تصرفاتهم انهم بيعملوا شغل كبير.. كل التحية".

فيما علق بعض الصحفيين على كونها عصبية في بعض الأوقات ولكن هذا لحساب أن يظهر العمل بأفضل ما يكون، فقال الصحفي أحمد عاشور: "نيفين الزهيري سواء اتفقنا أو اختلفنا معها بس الأكيد أنها بتحترم  شغلها وبتحترم الناس كلها واللي بأكده أن أي انفعال منها بيكون لحسابات مهنية مش شخصية والنتيجة دايمًا بتكون لصالح الشغل".

معندهاش خيار وفقوس

وعلقت مروة عمارة، مدير مهرجان نجم العرب، على ما حدث مع نيفين الزهيري كالآتي: "اختلف مع الآخر زي ما انت عايز لكن خليك محترم نيفين الزهيري رغم اختلافنا في اوقات كتير وخناقتنا طول الوقت إلا اني أشهد باحترامك وجدعنتك وحرفيتك في الشغل كفاية إني لما بروح حاجة من تنظيمك ببقى عارفة إني هعمل شغل محترم وعلى فكرة أنا صديقه لنيفين مقربة وعشرة من سنين ورغم إني مطلعة كارنيه المهرجان إلا إني ما اشتغلتش نهائي غير اول يوم فعاليات عشان باقي الكرو إللي معايا مطلعش كارنيه وخلتني اشتغلت بس إكرامًا للتليفزيون المصري وإن احنا جينا خلاص مش علشاني برضو يعني معندهاش خيار وفقوس زي مالبعض عايز يقول فعيب أوي ان احنا نوصل للمستوى ده ونهين حد تعب واشتغل وطلع عينه بالأيام عشان نصفي حسابات معاه مختلفه معاها في حاجات ومش عاجبني حاجات في المهرجان من غيرتي على مهرجان بلدي بس، كمان مينفعش أجحف حقوق الناس وانسى الشغل الحلو اللي اتعمل لا وكمان أتبلى وأقول أحداث محصلتش متزعليش يا نيفين انتي أكيد عارفه إنك تعبتي وضميرك أكيد مرتاح وده المهم".

اقرأ أيضًا..

«القومي للمرأة» ينظم ملتقى لمناهضة العنف بالجامعات