«تاجر الفاكهة وسائق الميكروباص».. مسلسل التحرش عرض مستمر

مسلسل التحرش عرض مستمر، ويأمل الكثير منا الوصول إلى الحلقة الأخيرة لهذا المسلسل الذي أصبح كابوسًا يُعاني منه المجتمع، وتفاقمت ظاهرة التحرش في كل مكان سواء في الشارع أو في وسائل المواصلات بل وفي العمل.

حيث سمعنا خلال السنوات الماضية عن حالات تحرش، سواء تحرش جسدي باللمس أو تحرش لفظي بكلمات تحمل معاني وإيحاءات جنسية خادشة للحياء وللذوق العام، وربما نجدها في أعمال سينمائية ودرامية، أو أغاني.

يرصد «هير نيوز» بعض وقائع التحرش، سواء كان تحرش باللمس أو تحرش لفظي يحمل معاني وإيحاءات خادشة للذوق العام على النحو الآتي:

تاجر الفاكهة.. آخر وقائع التحرش

وروت منة جمال تفاصيل الواقعة على النحو الآتي: "الساعة دلوقتي ٦:٣٠ الصبح رايحة شغلي، راكبة في الكنبة اللي قبل الأخيرة وورايا واحد عمال يدخل صوابعه من الفتحة بين الكرسين أول مرة أنا اتخضيت واتنفضت فاشال إيده بسرعة يمكن متهيألي عشان كنت نايمة شوية على نفسي، بس صحيت والكنبة كلها ورا فاضية وهو زانق نفسه ورايا بالظبط عشان يدخل إيده".

أضافت الفتاة: "لما كررها تاني واتأكدت وفضلت أزعق فضل يشتم ويقولي إن الكرسي اللي أمامه ضيق عليه لكن كان ممكن يقعد في الكنبة ومش هيبقى فيه أي كراسي قدامه والمكان هيبقى كنبة مفتوحة في ٣ مرات للأمانة السواق في الأول نزله وقاله انزل ومتقعدش في عربيتي وهو مرضيش ينزل فجأة قرر يطلع مطواه ويفتحها.

وأكملت: بعد ما قفل المطوة وقعدوه على الكرسي والناس هدوه لأنه كان بيهددني والسواق أنه يدبحنا، الناس اتلمت وزي ما انتوا شايفين في آخر الفيديو الناس نزلوني أنا من الميكروباص عشان هو ماسك المطواه، وقعد في نص العربية يتشرط ويقول السواق ده مش هيشتغل الخط تاني وأنه لو شافني تاني هيعمل ويسوي".

وتابعت: "وقالهم في الآخر بكل بجاحه اني واحدة.. عشان لو كنت محترمة كنت سكت لحد ما وصلنا، أنا مرعوبة وعمري ما حصل معايا التهديدات دي وهو شتمني الشتائم دي، أنا عايزة حقي أرجوكم شيروا البوست ده عشان حقي مش هييجي غير بكده".

وكتبت رانيا سليمان، عبر حسابها على "إنستجرام": "تعرضت للتحرش من سائق ميكروباص، بموقف الحصري في مدينة 6 أكتوبر، أثناء توجهي إلى التجمع الخامس"، وعلى الفور تقدمت ببلاغ للنائب العام في محاولة منها للحصول على حقها ومعاقبة الجاني.

مشاهير اتهموا بنشر الفسق والفجور والتحرش اللفظي

خرجت علينا الفنانة مها أحمد بفيديو يتضمن حوار مع شاب على تطبيق «ميجو»، وصفه البعض بأنه يتنافى مع قيم المجتمع المصري، تقدم المحامي أشرف فرحات، مؤسس حملة تطهير المجتمع، ببلاغ ضد الفنانة لاتهامها بنشر الفسق والفجور.

هاجم مستخدمو مواقع التواصل الاجتماعي الفنانة مها أحمد واصفين ما قامت به وتلفظت به خلال الحوار باستخدامها ألفاظ خادشة للحياء وبها إيحاءات جنسية، معتبرين هذه النوعية من الكلمات بالتحرش اللفظي.

اقرأ أيضًا..

نوفمبر.. شهر انتصار "القضاء" للمرأة على المتحرشين والمغتصبين