عمر مرموش يتصدر قائمة الأكثر تأثيرًا في الشرق الأوسط
فوزية محمود.. 16 ساعة عملًا بـ"قطف الجوافة" لإطعام أبنائها
الثلاثاء 09/نوفمبر/2021 - 02:58 م
عزة ذكي
قبل 5 أعوام توفي زوجها وترك لها 4 أولاد في مراحل التعليم المختلفة، حينها تبدلت حياتها من سيدة تعكف على تربية أولادها إلى أخرى لم تعد تذق طعم الراحة؛ إذ اضطرتها ظروفها للخروج للعمل في الأراضي الزراعية، لتستطيع توفير نفقات أطفالها، لتجد نفسها تعمل ساعات كثيرة بمقابل مادي ضعيف.
تعمل باليومية
فوزية محمود، سيدة تبلغ من العمر 48 عاماً، تعمل باليومية في الأراضي الزراعية لتسد رمق أطفالها: "كنت متستتة في بيتي، وجوزي كان عامل باليومية بس مكنش مخليني محتاجة حاجة، مات فجاة وسابني لوحدي في الدنيا و4 أطفال، أكبرهم في الإعدادي، وقتها مكنتش عارفة أعمل إيه، لكن كان تحديًا إني لازم أربي عيالي كويس بدون ما أمد إيدي لحد، فقررت أنزل اشتغل باليومية في الأراضي، علشان أقدر أصرف عليهم".
16 ساعة
70 جنيهًا هي اليومية التي تتقاضاها فوزية عن ساعات عمل قد تمتد لـ16 ساعة، تترك فيهم أولادها وحدهم في المنزل وتعمل لجل توفير نفقاتهم: "بشتغل من ورا الفجر، وبسيب عيالي في البيت، بيعملوا أكل لنفسهم وبيروحوا المدرسة وبيساعدوني في شغل البيت، عندي بنت في تالتة إعدادي عارفة كل حاجة في البيت هي إيدي ورجلي، والحمد لله قادرة أوفر نفقاتهم".
معاش تكافل وكرامة
لا تتمنى السيدة الأربعينية سوى معاش تكافل وكرامة ليساعدها على توفير نفقات أولادها: "مليش مصدر دخل غير دراعي، بخرج أشتغل في جمع وقطف الجوافة في الموسم، وبعدها بشتغل في الطماطم والخيار والبطيخ، نفسي في معاش تكافل وكرامة يسعدني، بعد سنة بنتي هتكون في الثانوي وباقي عيالي في الإعدادي والابتدائي، الحمل بيزيد والمصروفات بتكتر، علشان كدة نفسي في معاش".
