كلام ستات

سعدية تكشف لـ "هير نيوز" كيف هزمت السمنة بفقدان 127 كيلو من وزنها

الإثنين 18/أكتوبر/2021 - 01:01 م

عزة ذكي

معاناة كبيرة عاشتها سعدية محي، فتاة تبلغ من العمر 26 سنة، تقيم بإحدى مناطق بني سويف، بسبب زيادة وزنها على الرغم من صغر سنها، لتقرر إجراء عملية جراحية تكميم معدة والسير على نظام دايت لتفقد من وزنها 127 كليو جرامًا، لتصبح 105 كيلو جرامات من أصل 231 كيلو، لتتحرك بسهولة بعدما كانت عاجزة عن الحركة وعيش حياتها بشكل طبيعي.

التنمر والسمنة

" مكنتش بقدر أتحرك، وكنت شكل العجوزة، على الرغم من صغر سني، لكن في يوم من الأيام أجريت فحوصات ولاكتشفت إصابتي بالغدة الدرقية، ووصلت لـ231 كيلو، ووقتها كنت بتعرض لتنمر كتير، علشان كدة سيبت بلدي وتوجهت للقاهرة والغردقة، علشان اهرب من التنمر، لحد ما قررت البدء بنظام دايت ورياضة، لكن لم تأت بثمارها المرجوة، لذلك بدأت لجراحة تكميم المعدة"، تقولها سعدية لـ" هير نيوز".

خطورة السمنة

وتضيف الفتاة، أن السمنة ضارة جدا على الصحة، حيث تتعرض صاحبتها للتنمر، فضلا عن أنها تشعر بانها أكبر من سنها، بجانب توقف حياتها، وإصابتها بالكثير من الأمراض، " السمنة دي حاجة مزعجة، بتوقف حياتك وبتحسسك بالعجز، هلشان كدةن قررت أبدأ نظام دايت واكل أكل صحي، بجانب علاج الغدة، وقدرت أخس حوالي 127 كيلو في سنة، لكن لسة قدامي تحدي، اني لازم أخس لحد 93 كيلو دا الوزن المثالي بالنسبالي، أنا إتحديث الدنيا كلها وسيبت بلدي علشان الخناقات وغني مش عارفة أعيش حياتي، لكن قررت أكون بطلة قد التحدي، وفعلا اتحديت نفسي".

نصائح للسمينات

تنصح سعدية، الفتيات السمينات بالتخلص من السمنة لأضرارها على الصحة، " ياريت كل البنات تخس، عن طريق اتباع نظام صحي وعمل دايت والتحرك وألا يوقفن حياتهن بسبب التخن، فلازم تتحركوا وتشتغلوا وتنموا ثقتكم بنفسكم، وامتعوا عن تناول الحلويات بكثرة".

اقرأ أيضًا..