بنات

9 مراحل تمر بها الفتاة أثناء الارتباط أصعبها "الصراع"

الإثنين 11/أكتوبر/2021 - 04:01 م

عبدالله أبو الخير

تمر الفتاة في علاقتها بالطرف الثاني بعدد من المراحل؛ كمراحل الإيمان تبدأ باليقين وتصل للشك لتنتهي إما باليقين وإما تظل عالقة متأرجحة في مرحلة الشك، وهنا ترصد الدكتورة نانسي ماهر؛ خبيرة العلاقات الأسرية ومرحلة المراهقة؛ المراحل التي تمر بها الفتاة أثناء الارتباط والتي تعافر فيها وتبذل أقصى جهودها ليتم الزواج.

مرحلة التوقعات

وهي مرحلة "الفرحة الدلع" كلا الطرفين يدخل العلاقة وكله حماس بأنه سيقتطع جزءًا من السماء ليمنحها للطرف الثاني: "كل دي أحلام بتبقى جواهم وهم داخلين العلاقة".

التوقعات المضادة

وفيها تصطدم توقعات الشخص بتوقعات الطرف التاني_ الذي يرى غالبا الأمر من منظور مختلف تماما_: "وبقول غالبا لأن للأسف الخطوبة والمصاحبة كلها بتضيع ما بين التمثيل والمثاليه الكاذبة والتجهيزات"، وهذا الاصطدام بمثابة مؤشر ومحذر بوجود شيء خاطئ.

مرحلة الصراع

وهو صراع داخلي بين اختياره هل كان خاطئا أم أنني لا أفهم كيف تسير الأمور: "وبيبقى في مشاكل وإنذارات كتير جوانا منعرفش نفصل فيها أو نفهمها من غير مساعدة أو دراسة أو حوار صحي".

مرحلة المحاولة

وفيها نبدأ بالتقرب والفهم أو التفهيم، نصحح ونوضح: "نتواصل على حد علمنا وفهمنا ومعرفتنا مع أحزاننا وآلامنا وأتعابنا، ودي بتبقى أطول مرحلة؛ لأنها بتبقى مصحوبة بالمرحلة التالية".

مرحلة الإحباط

كل المحاولات السابقة هي بدايات جديدة تحمل أمل وحياة وإصلاح جديد، منها ما ينفع ومنه ما يحبط: "وكل مرة بتبقى مصحوبة بـ restart للأمل والتجديد وللأسف الإحباط".

مرحلة الحيرة

وهي النتيجة الطبيعية للإحباط المتكرر فيتساءل الشخص: "هو أنا بعمل إيه غلط؟ هي المشكلة فين؟ هو ليه مش عارفين نعيش مبسوطين عادي؟ ليه بنصعب الدنيا على نفسنا؟ وهكذا".

مرحلة التأكد

وهي من أخطر المراحل: "لما أتاكد إن المشكلة مش فيا مثلا أو أراجع حساباتي وأتاكد إني بذلت وحاولت كل حاجة أو أثبت انطباعات عن نفسي أو عن اللي معايا وأتاكد أنها صح ودي بقى لو مش مبنية صح بتودي العلاقة ورا الشمس لأن لو كل طرف فسر الأمور من وجهة نظره واستنتج منها انطباعات واتعامل على هذا الأساس من غير فهم أو إرشاد بنضر نفسنا ونضر العلاقة".

رد الفعل

"لو اتعاملنا على أساس إننا مأذيين بس مش هنحاول تاني ولو اتعاملنا على أساس إننا محبطين بس هنبعد وخلاص ولو اتعاملنا إننا مش متقدرين ممكن ندور على مصادر خارجية للتقدير".