فن وثقافة

ريهام سعيد: معمولي سحر منعني من أذكار الصباح والمساء

الخميس 07/أكتوبر/2021 - 01:02 م

إبراهيم خالد

صرحت الإعلامية المصرية ريهام سعيد أن هناك علاقة بين الآثار والسحر، وأن ثلاثة أرباع من يُسحرون يعملون في التنقيب عن الآثار، موضحةً أنها "حينما ذهبت لمنزل 5 بنات أثناء برنامجها، قالوا لها إن البيت تحته آثار ولذلك حدث لهم مسّ، وأنها كانت جريئة ومن الناس التي لا تقتنع بفكرة المس"، حسب قولها.

كل شوية بيتعمل لي سحر

وقالت "سعيد" في فيديو لايف على "فيسبوك": "قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق، والناس بتاعة ربنا اللي مش بيقى ليها في الدجل والشعوذة، بيقولولي إن أنا معمول لي سحر وكل ما يتفك الجهة دي بتجدده، وللأسف هي مش جهة واحدة اللي بتعمل كده.. ناس كتير أوي وأسبابهم مختلفة".

أنا تعبت

وتابعت: "طبعًا كل اللي بيحصل بإذن الله ومن عند ربنا، فأنا مقتنعة أن كل اللي بييجي من عند ربنا خير، لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك"، مشيرةً إلى أن الداعية مصطفى حسني قال لها: إن "سورة البقرة قوية جدًا".

مش عارفة أسبح

وأضافت ريهام: "كل ما آجي أمسك سبحة لأعمل أذكار الصباح والمساء يحصل حاجة ومعرفش أقولها.. فعلًا الحاجات دي مُتعبة والناس اللي بتعمل فيّ كده مش عايزة تهدأ غير لما يتقضي علىّ خالص.. أنا زهقت وفكرة أن حد يأذيني بتبقى صعبة أوي".

عايزة اقرأ سورة البقرة

وأكملت: "عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب.. أنا لما بصلي بنهار من الدموع وقرأت لشيوخ بيقولوا إن ده من علامات الحسد".

وأكدت: "السحر طلع عالم أسود"، موجهة حديثها لجمهورها قائلة: "أوعوا تروحوا لشيوخ بحجة أنه يعرف أن عندك حاجة.. لأنه بيكشف عليكي وكل مسام جسمك بتتفتح فبتبقى معرضة أكثر للسحر والحسد".