شراكة بين صندوق التنمية الحضرية و«بنك نكست» لتوفير سكن كريم للمصريين
10 أسئلة إن لم تجيبي عنها قبل الارتباط فزواجك في خطر
الإثنين 04/أكتوبر/2021 - 03:03 م
عبدالله أبو الخير
عاوزها جميلة، عاوزاه غني، عاوزها هادية، عاوزاه رومانسي؛ صفات كثيرة يضعها الطرفان في الشريك المنتظر؛ لكن الأهم هنا قبل أن نضع قائمة صفات شريك الحياة، هو وضع قائمة الذات أو الاستعداد كما وصفتها الدكتورة نانسي ماهر؛ خبيرة العلاقات الأسرية ومرحلة المراهقة.
تقول ماهر:" لا بد أن نتساءل إلى أي مدى نحن مستعدون للارتباط؛ قبل أن نقبل على تلك الخطوة، وأن نعرف ما هي الصفات التي أتحلى بها ويمكنها خدمة غرض الزواج؛" يؤهلني كشريك حياة، هو مش فستان ومش بدله وخلاص".
أسئلة قبل الارتباط
أشارت نانسي ماهر إلى عدد من الأمور التي يجب معرفتها قبل أخذ هذا القرار المصيري؛ في إشارة منها إلى الزواج، وهي:
١. إلى أي مدى أنت مستعد للمشاركة؛ مشاركة مسئوليات الحياة ومتطلبات البيت ومعرفة ماهية تلك المتطلبات؟
٢. إلى أي مدى مستعد أن تفقد بعض الأنماط الحياتية أو تغير your life style، وبأي نسبه تستعد لتقليل خروجات او تكثر منها، أو تغير مواعيد نومك استيقاظك، أحيانًا موقف سكنك، تغير مناطق صرف فلوسك، طريقة تفكيرك في بعض القرارات؟
٣. العيوب؛ عيوبك " شايفها إزاي من وجهة نظرك ونظر المقربين من الموثوق فيهم"؟
٤. إيه الحاجات اللي تقدر تغفرها لو حصلت، وإيه اللي بالنسبة لك خط أحمر؟
٥. إيه القوانين اللي تحب تحطها مع شريك حياتك لمملكتكم الجديدة؟
٦. بنسبة قد إيه عندك مرونة تساعدك في التفكير والتخطيط؟
٧. إيه القيم اللي بتحركك وانت بتختار؟ وإلى أي مدى تقبل تقارب الطرف التاني أو اختلافه معاك فيها؟
٨. إزاي بتحل مشاكلك وإيه اللي تقدر تعدله لما تواجه مشكلة مع شريك حياتك؟
٩. إيه الأهداف اللي انت عاوزها من الجواز؟
١٠- يعني إيه حياة زوجية بالنسبه لك؟
وأكدت في نهاية كلامها أن تلك الأسئلة ما هي إلا جزء بسيط من تساؤلات يجب أن يجيب عليها كل مقبل على الزواج.
