كلام ستات

اهتمامات المراهقات.. "المكياج ولبس وجسم أنيق"

السبت 02/أكتوبر/2021 - 07:02 ص

عزة ذكي

في فترة المراهقة يتغير كل شيء بالنسبة للفتيات بداية من تغير الهرمونات في أجسادهن إلى طريقة تفكيرهن وحتى طريقة الملابس والمكياج والجسم، لكن بعض الأمهات لا ينتبهن لذلك.

وتستعرض بوابة "هير نيوز" اهتمامات البنات في فترة المراهقة، من خلال قصصهن:

كيف تكون جميلة؟

تهتم إسراء محمود، البالغة من العمر 19 عامًا في هذه المرحلة بكيف تكون جميلة وفقًا له: "بدور على اللي يبرز جمالي، أنا في أولى جامعة فأكيد ببحث عن الموضة في الملابس وتطبيق مكياج معاصر وفقا للموضة، وبهتم أني وزني لا يزيد، لكن بقابل مشاكل في طريقة اختيار الملابس التي تناسبني وتتوافق مع الموضة أيضًا".

اللبس والعادات

ويختلف رأي سما عبدالله، البالغة من العمر 17 عامًا؛ حيث تختلف اهتمامتها في تلك الفترة: "بهتم إزاي ألبس وفقا للعادات اللي اتربيت عليها مش بدور على الموضة خالص، كل مكان وليه اهتاماماته، لكن الملابس الفضفاضة هي الخيار الأمثل بالنسبة لي فضلا عن عدم تفضيلي وضع المكياج" البنت مش لازم تبدا المرحلة دي بدري، وكل ملابس حلوة على صاحبتها، مفيش حاجة اسمها ألبس ضيق يبقى موضة، ولا احط مكياج شبه البلايتشو علشان اكون على الموضة، لازم البنت تهتم بانها تحافظ على عادات وتقاليد أتربت عليها، ومتخليش شهرة الموضة تجرها لحاجات مش هتعرف تتحكم فيها بعد كدة".

الشكل وتسريحة الشعر

بينما تهتم مروة المقدم، بشكلها وطريقة تسريحة شعرها: "أيوًا في الكليات البنات بتبص لبعضها، فلازم اعمل تسريحة على الموضة وألبس على الموضة، بحب جدًا البنطلونات الجينز والتوبات، وبحس إني لازم اواكب الموضة فبختار ملابسي وتسريحة شعري بعناية، كمان بعمل مكياج خفيف مختلف على حسب الموضة، وبهتم دايما بدور الأزياء العالمية وبتابعها علشان أشوف الموضة، كمان بتابع أحدث صيحات المكياج، وبهتعم بنظافتي الشخصية وحرصي على عدم زيادة وزني".