فن وثقافة

الفنانة نادين: مكالمة منى زكي كانت سببًا في رجوعي للفن

الإثنين 20/سبتمبر/2021 - 01:57 م

ابراهيم خالد

حلت الفنانة نادين ضيفة على برنامج "واحد من الناس" الذي يقدمه الإعلامي عمرو الليثي، على قناة الحياة، بعد عودتها إلى الفن، مؤكدة أن سبب رجوعها إلى الفن مكالمة من الفنانة منى زكي.

اللي زينا مش بيعتزل

وأضافت: «منى زكي كلمتني وقالتلي معايا فيلم وليكي دور مكتوب عليكي، وقولت لها يا منى إنتي مش واخدة بالك إني اعتزلت من 17 سنة، فقالت لي اللي زينا مش بيعتزل، والكلمة دي هزتني جدا، وقلت ليها لا، قالت لي مافيش حاجة اسمها لا فكري وارجعيلى تاني».

الباليه

وأكدت الفنانة نادين أن وفاة الفنانة سعاد حسني كانت سببا في اعتزالها للفن، لكنه لم يكن السبب الوحيد، وأن اعتزال البالية كان أصعب من اعتزال التمثيل، مضيفة: «كان أهون يقطعوا لي أصبع ولا أترك الباليه».

وفاة سعاد حسني

وتابعت: «لما جه خبر وفاة سعاد حسني قفلت قفلة غريبة وقلت أنا عمري ما حكون سعاد حسني، طب أنا قاعدة بضحي بإيه؟ أنا أحسن لي أكون في مكان تاني بعمل حاجة تانية وبنتج فيها، ومن أكثر الحاجات اللي ضايقتني الإشاعات».

حياتها الشخصية

وصرحت الفنانة نادين بأن زوجها كان نجل عمدة أبو قرقاص في المنيا، وحاليًّا هو عمدة أبو قرقاص، موضحة: «اتقابلنا في الإسكندرية واعترف لي بحبه، وأنا عجبني فيه الهيبة وخفة دمه، وهو عمدة مودرن، وبنحس إننا لحد الآن مش متجوزين وكأننا مخطوبين، وعندنا بنتين وولد».

الوسط الفني تغير

وأكملت: «الوسط الفني تغير كتير، حتى تكنيك الشغل اتغير، وفي ليالي أوجيني بعد ما خلصت تصوير قالوا لي استني هناخد زوايا تانية، فقلت دي آخرة نزول بتوع السينما للدراما".