كلام ستات

أهمها شريك الحياة.. نانسي ماهر: 4 أسباب تؤدي إلى انعدام الثقة في النفس

السبت 04/سبتمبر/2021 - 11:32 م

عبدالله أبو الخير

أرجعت الدكتورة نانسي ماهر خبير العلاقات الأسرية ومرحلة المراهقة، السبب في قلة الثقة بالنفس لعدد من الأمور على رأسها التربية، ومؤكدة أن بداية علاجه هو التعرف على الذات، وذلك وفقا لمنشور كتبته على صفحتها الشخصية على الفيس بوك.

وقالت "العطار" أن كثيرين يفسرون تصرفاتهم أو تصرفات غيرهم بقلة الثقة بالنفس، ومتسائلة: "قلة الثقة بالنفس دي بتيجي منين؟ ونفسك تبقي ايه أو زي مين؟ وايه اللي لو كان حاصل كان ممكن تثق في نفسك وتحبها أكثر".

وأضافت "العطار" أن الناس ترجع ذلك لعدد من الأمور":

التربية

ودي طبعا ليها نصيب الأسد في غرس أو تقليل ثقتك بنفسك.

المجتمع

بداية من المدرسة في الشغل فالزواج بكل أفراده .

شريك الحياة

أو أي علاقة عاطفية بتحب فيها بجد ممكن تخليك تطلع سابع سما أو تنزل علي الأرض في مستوى ثقتك في نفسك.

الإنجازات

ساعات كتير الحاجات اللي بنحسبها إنجازات هي اللي بتساعد أو بتقلل ثقتك في نفسك زي انك تعمل diet

تنجح في شغلك، تتجوز، تخلف، كل دي امور نحسبها إنجازات.

وأشارت "ماهر" إلى أن تلك الأمور ليست دائما السبب في ضعف الشخصية: "الحقيقة إن كل ده غالبا لو سألت أي حد فيكم هنلاقيه مش هو ده، هو يعني ايه؟ يعني كتير بنشوف الدنيا بمنظور الناس، بنكون هوية من ساعة ما بنتولد حسب أهلنا ما عايزين والمدرسين والمدربين والشارع والناس.

وتابعت: "لكن قليل مننا اللي فاهم هو طلع كده ليه، وكتير اللي بالنسبة له الself concept مستمد من العالم ومن اللي حواليه، صورتنا بنشكلها زي المشاهير والmodels اللي علي السوشيال ميديا، شكلنا بنغيره حسب اللي الناس بتشكر فيه".

وأكملت "العطار": "شغلنا؛ ممكن نفضل ماسكين في شغلانة ملهاش مستقبل ولا فيها أمان مادي علشان مينفعش ابن الحاج فلان ميبقاش ضاكتور".

الحل

وأكدت "العطار" أن الحل كلمة سحرية اسمها الهوية؛ هويتك يعني انت مين، في اي رحلة كوتشنج بنبدأها لازم أتاكد إن الناس فاهمه هم مين الأول وبعدين نشوف "من أنت" مش انت في عينين الناس، انت اللي صورت في أجمل شكل وصوره، انت اللي صممت لتكون راضي وسعيد، انت اللي ربنا سبحانه قصد بيك دور مهم يوم ما خلقك".

وأنهت: "أنت إنسان من غير أي ألقاب أو قيود أو مظاهر اجتماعية فارغة، لو شفت نفسك بعين ربنا يمكن تفهم قيمة نفسك صح، يمكن تبطل تجلدها أو تقوم علشان تمسك ايديها وتوريها الطريق".

اقرأ أيضًا..