أسعار الدواجن اليوم الجمعة 22-11-2024
فيديو.. آلاء أبوذكري تحكي ذكرياتها مع منى الشاذلي عن الثانوية العامة
السبت 28/أغسطس/2021 - 11:45 ص
ادم صالح
روت آلاء أبوذكري صانعة المحتوى الكوميدي، ذكرياتها مع الثانوية العامة، بطريقة مضحكة، فأختها حصلت على مجموع 96% بينما حصلت هي على مجموع 93%.
أحكي إزاي فشلت
وأضافت مازحة خلال حوارها مع الإعلامية منى الشاذلي ببرنامج "معكم منى الشاذلي" المذاع عبر فضائية "دي إم سي" مساء الجمعة: كنت بحلم أطلع مع حضرتك وأحكي قصة نجاحي وإزاي نجحت في الثانوية العامة ونقول حاجات مؤثرة ونعيط، بس تعدي سنين وآجي برضه أحكي إزاي فشلت، لترد عليها الشاذلي ضاحكة: ده نجاح في حد ذاته يا آلاء.
الطفل التاني حياته مستعملة
وتابعت صانعة المحتوى الكوميدي: أنا كنت الطفل التاني، ومشكلة حياتي كلها قائمة على أختي؛ لأن الطفل التاني حياته مستعملة، باخد لعبها المتكسرة وهدومها القديمة، حتى شهادة ميلادي مكانش فيه أي إثبات ليا في البيت، حتى إن عيد ميلادي كان في شهر 4 وكان طول عمري فاكراه في يناير وبحتفل فيه في شهر 1.
وعن دخولها كلية العلوم، أوضحت أنها دخلت أكثر قسم ينجح فيه الطلبة وهو "الجيولوجيا" رغم أنهم قالوا لها إنه قسم يدخله الأولاد، إلا أنها عبرت قائلة: قلتلهم شوفولي قسم بينجح أنا أصلا مش طايقة نفسي.
