نانسي ماهر: تجنبي الخوف السلبي واستفيدي من الإيجابي
أكدت الدكتورة نانسي ماهر خبير العلاقات الأسرية ومرحلة المراهقة، أن شعور الخوف من المشاعر الرئيسية في حياة الإنسان، والذي لا يمكنه الاستمرار بدونه، فهو ليس شعور سلبي دائما، فوجوده يحقق نفعًا كبيرًا في حياتنا في الكثير من الأحيان.
وقالت "ماهر": "ممكن الخوف يكون مفيد وممكن يتعبنا، بس الخوف بيبقى مفيد وصحي لما يحركنا في اتجاه إيجابي؛ زي مثلا "خوف من امتحان فنذاكر، خوف من خطر، المفروض نبعد خوف على أولادنا هنحميهم، خوف على نفسنا وعلاقتنا بربنا فبنتقي ونتوب".
وأردفت: "لكن الخوف على قد ما بيبقى حلو للأسف كتير يؤذي صاحبه زي الخوف من المجهول اللي بيخلينا نخاف نجرب، أو الخوف من الرفض اللي بيخلينا نبعد وننسحب وأحيانا نخذل ناس كتير، أو الخوف من الوحدة اللي بتخلينا نهرب لناس مش شبهنا ولا بيحبونا أحيانا علشان بس منبقاش لوحدنا".
وأنهت قائلة: "قرارات كتير غير صائبة بتتاخد بسبب الخوف، واحنا بايدينا نواجه الخوف السلبي ونستفيد من الخوف الإيجابي علشان في الآخر نقدر نعيش".
اقرأ أيضًا..