عمر مرموش يتصدر قائمة الأكثر تأثيرًا في الشرق الأوسط
حمو بيكا يبهر جمهوره ببوست جديد: اخواتي وقرايبي بيقرولي وبيكتبولي اللي انا عايزه
الجمعة 20/أغسطس/2021 - 03:31 م
علق مطرب المهرجانات حمو بيكا على هجوم بعض الناس عليه بسبب كتاباته على صفحته الشخصية بفيس بوك.
طب وايه يعني عندي اخواتي وقرايبي بيقرولي وبيكتبولي اللي انا عايزه؟
ببساطه محدش فينا اتولد عارف كل حاجة!
كلنا كنا مغيبين عن كل حاجة وكلنا جهلة الدكتور جاهل عن المحاماة والمحامي جاهل عن المحاسبة والمحاسب جاهل عن المهندس
"الكمال لله وحده "- محدش كامل
وزي ما قولت انا منولتش شرف التعليم بس اتعلمت ازاي اشتغل واشيل مسؤولية اتعلمت".
وتابع: " ازاي اشقى من صغري ومقولش لحد اديني زي ما انا اتعلمت حاجات كتير جداً في الحياة - انت يا متعلم هتفضل جاهل بيها فإن حد يكتبلي او يقرالي .. دي حاجة متخصش حد في الدنيا صباحكم فل وجمعه مباركة عليكم جميعاً".
بتقولوا عني جاهل
وكان حمو بيكا قال في بوست آخر على فيس بوك: " بتقولوا عني جاهل ومش متعلم .. مع ان دي حاجة انا عمري ما أنكرتها ولا حتى خبيتها على الناس، ومن يوم ما ربنا كرمني واتشهرت وبقى ليا جمهور بس هرجع واقولكم تاني انها حاجة مكنتش بايدي".
من ورا شاشة وكيبورد
وأضاف بيكا: "انت بقى يا "متعلم" التعليم علمك انك تقعد تعاير الناس بعيوبها؟ التعليم علمك ان تفضل تتنمر على خلق الله؟ التعليم علمك انك مباح ليك الشتيمة في حد هو اقل منك في شيء؟ أكيد لأ فمتجيش من ورا شاشة وكيبورد تعمل فيها عم الناصح”.
اتعلمت احترم الكبير والصغير
وتابع: انت أصلاً موركش حاجة تعملها! انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد.. اتعلمت حاجات كتير جداً في حياتي انت عمرك مهتتعلمها طول ما انت باصص للناس ..!
فكر في كلامك كويس
واختتم بيكا قائلا: "فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في "تربيه وتعليم" يعني التربيه قبل التعليم صباحكم فل".
رسالة لطلاب الثانوية العامة
ويذكر أن وجّه مطرب المهرجانات حمو بيكا رسالة لطلاب الثانوية العامة بعد ظهور النتيجة الثلاثاء.
كتب حمو بيكا عبر حسابه بموقع فيس بوك: “ألف مليون مبروك لإخواتي وحبايبي اللي نجحوا في الثانوية العامة.. وإن شاء الله تحققوا كل أحلامكم”.
وتابع : "هاردلك لكل اللي منجحوش قدامكم لسه بدل الفرصة ألف فرصة تعوضوا وتحققوا كل اللي بتتمنوه".
